Saturday , December 3 2022

Inundasaun ‘Atake’ Dom Aleixo

DILI Post– Durante ne’e, maske Autoridade husi nivel Aldeia to’o Suku hakilar hodi fo konsiensia ba ema hotu, oinsa kuidadu soe lixu labele arbiru. Maibe, mensajen hirak ne’e, hela ba nafatin, la iha sidadaun ida atu kumpri.

Ezemplu konkreta Tersa-feira (20/09) udan habokon rai derrepente, teki-teki iha uma no Edifisiu hanesan Eskuadra Polisia Nasional Timor-Leste (PNTL) Dom Aleixo hetan ‘atake’ inundasaun no ninia impaktu membru PNTL sira labele hala’o kna’ar.

Aleinde ne’e, edifisiu Eskuadra Dom Aleixo tempu udan bee nakonu membru Polisia sira book an la di’ak. Tanba, ekipamemtus mos dala ruma bee hoban hotu no ta’uk sirkuitu eletrisidade bele estraga membru sira.

Kestaun ne’e, hato’o husi Komandante PNTL Munisipiu Dili Superintendente Polisia Henrique da Costa, ba jornalista iha kna’ar fatin Kaikoli Dili, Kuarta-feira ne’e.

Nia hatutan, relasiona ho kondisaun edifisiu Eskuadra PNTL Dom Aleixo ne’ebe la premiti, tempu udan sempre hoban iha bee laran difikulta membru sira atu hala’o servisu.

Henrique duvida, la hatene to’o bainhira atu bele reablita esifisiu refere, tanba ne’e kompetensia Governu. Atu hadi’a konstrusaun edifisiu Eskuadra Dom Aleixo kompetensia Governu, liu husi Komando Jeral hodi istala ou hari fali edifisio foun. “Ita hare ba udan tun la’os de’it Eskuadra Dom Aleixo maka hoban bee laran. Maibe, iha Komandu Munisipiu Dili mos hanesan kuandu tempu udan sempre halimar ho bee. Maske, udan tun la kle’ur ita mos atensaun ba ekipamentus ne’ebe importante hodi asegura, atu nune’e bee la bele kona,”afirma Komandante Munisipiu Dili ne’e.

Presiza Fatin Seguru

Nia akresenta, presiza tebes fatin servisu ne’ebe seguru. Tanba, Governu ezije membru Polisia hala’o servisu ho professional. Fatin la dignu sempre difikulta membru sira atu hala’o serbivisu.

Kondisau la di’ak ekipamentus la sufisiente oinsa membru sira bele hala’o servisu ho di’ak hodi bele fornese atendimentu di’ak ba komunidade sira. Parte importante liu ba Polisia atu hala’o servisu ho di’ak, Governu tenke kria kondisaun ne’ebe dignu no ekipamentus di’ak.

Kondisaun no ekipamentus hanesan parte ne’ebe atu ajuda ou apoiu Polisia sai profesional liu tan, karik Polisia hala’o de’it servisu iha udan no bee laran oinsa bele ezije Polisia ninia profesionalizmu.

Ikus liu nia husu ba Governu atu bele aselera lalais hadi’a kondisaun edifisiu Eskuadra Dom Aleixo. Atu nune’e, membru Polisia bele hala’o servisu ho di’ak no dignu, la ameasa ba membru sira nia vida iha tempu udan ou bee sa’e.

Responde ba problema hanesan tuir Prezidente Komisaun E Assuntu Infraestrura, Francisco de Vasconcelhos, ba Jornalista sira iha Resintu Parlamentu Nasionál.

Apelu ba komunidade atu dixiplina so’e fo’er iha fatin Lixu. Kuandu ‘petugas’ autoridade mai hamos valeta sira sobu no  hamos hotu. Maibé, liu de’it loron 2-3 valeta laran nakonu ho aqua mamuk no lata de’it.

Liu husi biban ne’e, Prezidente Komisaun E husu ba kumunidade tenke iha dixiplina atu kontribui bele evita inundasaun. Maibé, Governu sei uza meius hotu atu proteje.

“Ita nia sidade Dili komesa klo’ot daudaun ona. Tanba, ema ida-idak hakarak hala’o moru, entaun ita sei hetan pankada maka’as liu tan,”relembra Francisco. Tenke iha konsiensia, kuandu iha Resesu Deputadu sira sempre priense ho atividade estudus komparativu, independente komisaun E Infraestruras hala’o estudus iha Nasaun vizinu hanesan Kupang no Bali Indonézia.

Tanba, hare dezenvolvimentu Infraestruturas iha Indonézia projeitu Nasionál bolu naran ‘Mega’ projeitu. Liu husi estudu komparativu, iha referensia barak, liu-liu barajen priense kriteria barak, hanesan mota sira la maran.

Mota Ueluli no Dilor, mota sira kuaze husi parte Natarbora to’o Vikeke estraga hotu. Ponte ne’ebé mota  sobu hodi estraga populasaun sira nia natar, toos no rai kuaze hektares, tanba la iha estudu komparativu. Entaun,  liu husi estudu komparativu iha referensia oinsá bele normaliza mota atu la bele estraga populasaun.(Al/Che)

About dilipost

Check Also

Hasae Kualidade Saude, Jerente Saude Nain 25 Kontinua Tuir Formasaun

DILI Post – Ministra Saúde, Maria Odete Freitas Belo halo abertura formasaun ba jerente saúde …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement