Saturday , December 3 2022

ISC Realiza Pra- Klinika Ba Estudante Enfermajen – Parteira

Estudante Enfermajen ho Parteira

DILI Post- Iha loron Segunda,(22/8), estudante Instituto Superior Cristal(ISC), Fakuldade Siencia Saúde tinan akademiku 2022,  hala’o pratika  iha kampus – Cristal, Balide – Dili, antes ba uza fasilidade Saúde ne’ebé iha Klinika sira.

Dekanu Fakuldade Saúde (ISC) Aureo Freitas hatete, pra klinika ida atu prepara estudante sira atu tun ba iha Hospital Referal (HOREX) hodi pratika.

Total estudante hamutuk 431 kompostu hosi departamentu rua, Enfermagem iha estudante 110 no departamentu Parteira iha estudante kuaze 290.

“Pratika ne’e, hanesan preparasaun ida, antes ba hala’o pratika. Maibé kuandu ba pratika iha Hospital Nasional ka klinika sira, sei hala’o tan fali teste iha ne’eba, liu mak bele uza fasilidade saúde nian. Karik laliu mak estudante sira ne’e, sei hala’o hikas aula rekuperasaun, hodi hein oportunidade seluk”, hatete Aureo ba Dili Post iha Kampus Cristal Balide, Segunda (22/8).

Nia dehan tan pratika hanesan dalan ne’ebé bele hasa’e di’ak liu tan kapasidade, konesimentu estudante sira nian, liga ho kursu ne’ebé mak iha, nune’e iha futuru, bele sai rekursu ne’ebé prontu hodi servi’i iha area saúde nian.

Estudante enfermajen ho parteira nebe tuir ona pra klinika sei ba iha hospital nasional, hospital rejional no sentru saude sira.

Fatin hanesan Diretora Saude Munusipiu Dili Agostinha Segurando esplika katak, teste ne’e, liuhosi fase rua, ezame eskrita no teste pra Klinika.

“Pra klinika ne’e iha fase rua, iha tempu loke ho misa dadeer eskrita no loraik nian hala’o fali pratika pra klinika, ne’ebé akompaña direta husi dosente sira liga ho ida-idak nia kursu. Partera nian ketak, no enfermagem nian ketak. Se  mak laliu labele tun ba uza fasilidade saúde iha klinik ho Ospital sira”hakotu nia (cal)

About dilipost

Check Also

Cristal Ejiste Iha Tempu Difisil

Prezidente Fundasaun Agostinho Dos Santos Goncalves DILI Post – Prezidente Fundasaun Cristal Agostinho dos Santos …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement