Tuesday , November 29 2022

Izame Dahuluk, Estudante Sira La’o Ain, Tanba Mikrolete Paradu

DILI Post-Relasiona ho folin Kombustivel sa’e mikrolete sira hahu husi 01 to’o 012 halo asaun greve hodi la halo operasaun.

Asaun greve ne’ebe mak kondotures sira halo tanba, to’o oras ne’e hosi parte Dirasaun Nasional Transporte Trestre (DNTT) seidauk hasae tarefa ba pasajeirus sira.

Tanba ne’e, ho asaun greve ne’e fo impaktu ba estudante ensino baziku no sekundaria sira ne’ebe dadaun ne’e hala’o hela izame. Tanba, obrigadu tenke la’o ain ba eskola.

Estudante UNTL hosi Fakuldade Sensia Sosiais, Rofinu Borges lamenta ho asaun refere, tanba ho asaun ne’e fo implikasaun ba estudante sira, liliu estudante ensino baziku no sekundaria sira tanba dadaun ne’e sira hasoru hela izame dahuluk.

“Agora mikrolete sira la halai hanesan ne’e bele fo impaktu bo’ot tebes ba iha estudante sira bainhira sira atu ba tuir aprendizazen, liu-liu ba ita nia alin Estudante sira husi Ensino basiku no Sekundariu ne’ebe dadaun ne’e halao Hela ezame dahuluk nian”, dehan Nia iha bainhira la’o ain iha Tasitolu (26/04).

Nia haktuir, asaun ne’e fo impaktu bo’ot tebes ba estudante sira tanba eskola ne’ebe ho distansia dook, sira labele ba tuir exame periodu dahuluk nian.

Tan ne’e, Nia husu ba governu atu bele resolve lalais problema refere, tanba selae ninia impkatu ba estudante sira.

“Ami husu ba governu atu bele resolve problema ida ne’e, se la’e fo impaktu tebes ba estudante sira atu hala’o atividade loron nian”, nia relata.

Enkuantu tuir nia, kondutores sira labele fo sala ba esudante sira tanba ne’e la’os problema estudante nian, maibe ne’e problema guverno nian.

“Ha’u hanoin la’os problema ba estudante nian, maibe ne’e problma Governu nian, tanba ne’e kondutor sira tenke ezizi ba governu, labele ezizi ba estudante, tanba estudante forsa lato’o hanesan povu aileba nia oan”, tenik Nia.

Nia hatutan, Estudante sira tenke selu tuir regra ne’ebe mak husi parte DNTT fo sai, maibe kondutor sira labele hasa’e folin mikrolete tuir sira nia hakarak.

“Ami nu’udar estudante kumpri tuir regra ne’ebe mak DNTT fo sai, ami labele halo tuir imi nia hakarak,se raque husi parte DNTT mak fo sai katak, kada estudante tenke selu osan ho $25 centavos ne’e ami bele kumpri, maske ami povu aileba nia oan ami bele kumpri ho ida ne’e”, tenik nia.

Tuir Nia, ba kestaun folin mina sa’e ne’e tanba problema mundial, tanba ne’e kondutor sira tenke ezizi ba iha governu, tanba saida mak mina folin sa’e, labele mai ezizi fali Estudante atu selu tuir imi nia hakarak.

Entretantu Estudante husi Eskola Novel da Paz Juvensio Leite Magahaes sente triste tanba mikrolete la halo operasaun.

“Ha’u sente difikuldade tebes, bainhira iha tuku 6:00 ha’u sai estrada ibun hodi hein bemo, maibe oras Lao ba dadaun, entaun bemo la halai, ho obrigatoriu atu tuir exame, ha’u ho de’it taxi husi Tasi tolu ba iha eskola Novel da paz selu $ 4 dolar”, lamenta Nia.

Tanba ne’e, Ezije ba governu atu tolera lalais folin Kombustivel Sa’e, tanba Estudante barak mak tuir hela exame.

“Bainhira bemo la halai ami tristi tebes, no fo impaktu ba ami atu tuir exame periodu dahuluk nian”, tenik nia.

Enkuantu exame periodu dahuluk nian hahu iha loron segunda 25 Abril tinan ne’e.

Observasaun Diariu ne’e nota katak, mikrrolete 010 to’o 011, halai ba mai la tula pasajeiru, ho razaun tanba mina folin sa’e, nune’e estudante lubuk la ba eskola no funsionáriu barak mak la ba servisu.

Nune’e, mikrolete husi 010 to’o 011 dadaun paradu no konsentra hamutuk iha termina tasi Tolu hodi Hein desizaun husi Governu Hasa’e ona folin mikrolete nian (nicky)

About dilipost

Check Also

ISC Produz Ona RH Rihun-4000

DÍLI Post- Instituto Superior Cristal (ISC) hanesan Ensino Superior Katoliku ida ne’ebé eziste iha Timor-Leste …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement