Tuesday , October 19 2021

KAFI Deside Estragus Iha Fatin 8 Tama Lista Rekoperasaun Emerjénsia

Dili Post — Estragus ne’ebe akontese iha Dezastre Naturasi Konsellu Administrasaun Fundu Infraestrutura (KAFI) deside iha fatin ualau (8) tama lista Rekoperasaun Emerjénsia.

Ministru Obras Públikas (MOP) Salvador Pires hateten agora daudaun ekipa tarefa infraestrutura ne’ebé lidera husi Benjamin Martins, halo hela dezeñu ba estragus sira ne’ebé husi dezastre naturais iha loron 4 fulan abríl foin lalais ne’e.

“Ba komponente sira ne’ebé mak KAFI deside fatin 8 ne’ebé tama iha emerjénsia, agora daudaun ne’e, ekita tarefa infraestrutura tuir despaixu Primeiru Ministru nian atu halo servisu refere,” informa Ministru Salvador Pires, hafoin ho Vise MOP relata progressu servisu ba Xefe Governu, iha rezidénsia Farol, Dili, Segunda (17/05).

Nia hatutan, fatin 8 ne’e maioria iha Dili hanesan, estada pantai kelapa ne’ebé halo daudauk hela, ponte ailok-laran, barreira mota maloa, barreira mota como no seluk tan.

“Tuir dadus ne’ebé iha, sira halo uluk mak ponte Ailok-Laran, estrada maloa, Bidau ospitál kotuk, morru sustentasaun ponte CPLP nian, Tibar no mós dezeñu preparativus ba sira seluk ne’ebé mak ita tenke halo dezeñu,” haktuir Salvador.

Nia dehan, ekipa forsa tarefa infraestrutura konklui ona dezeñu ba rekonstrusaun danus sira, tanba ne’e, aprezenta ona ba Ajénsia Dezenvolvimentu Nasional (ADN) atu halo verifikasaun.

Nune’e, bainhira ADN verifika hotu, MOP sei aprezenta pedidu ba KAFI atu halo ajendamentu ba aprovasaun, nune’e hahú avansa ba faze rekonstrusaun.

Kona-ba rekonstrusaun ba estragus sira iha munisípiu, Salvador Pires afirma, ekipa forsa tarefa ba infraestrutura tun ona ba terenu atu halo kualifikasaun ba identifikasaun ne’ebé servisu obras públika munisipal no autoridade lokal sira rekolla.

Hafoin bele halo planifikasaun, kuantifikasaun ba estragus atu bele halo intervensan ba rekonstrusaun ba komponente infraestrutura saida mak danusfikadus husi eventu 4 de abríl.

Entretantu, ekipa forsa tarefa infraestrutura halo ona estimasaun kustu ba rekonstrusaun estragus fatin 8 iha Munisípiu Dili ne’e sei la liu Milliaun $ 5.(ajo)

About dilipost

Check Also

Antes Lori ba Laleia, Ma’hunu Sei Hatoba Iha Muzeu Rezistensia

DILI Post-Tuir planu Domingu (26/09) aban, saudozu Jose Antonio Gomes da Costa kodiku Ma’hunu Bulerek …

Leave a Reply

Your email address will not be published. Required fields are marked *