Tuesday , June 28 2022

Kampaña Ikus Iha Tasitolu, Lu Olo Ho Mari Presta Omenazen Ba Statua Nicolau Lobato

DILI Post-Kandidatura Prezidente Francisco Guterres ‘Lu Olo’ ho numeru sorteiu 6, akompaña hosi sekretariu Jeral Partidu Fretilin Mari Alkatiri presta omenazen ba estatua saudozu Nicolau Lobato molok hakat ba Tasitolu.

Dader komesa kedan iha tuku 8:00 oras Timor-Leste (Otl), militante, simpatizantes no apoiantes hahu nadodon ba Tasitolu hodi bele partisipa Kampaña ikus hosi kandidatura Prezidente Lu Olo.

Nadodon lakotu, iha nadodon laran akompaña ho muzika ‘baku fila sayang’ ne’ebe halo rame movimentu naruk ida ne’e.

Maske, tuir orariu hosi Comisaun Nasional das Elisoens (CNE) Kampaña hosi kandidatura Lu Olo sei komesa iha tuku 2:00 lorokraik, maibe apoiantes no simpatizantes hahu nadodon hodi hananu muzika sayang baku fila, mean manan metin.

Maske nune’e, iha movimentu naruk ida ne’e la mosu problema, tanba hetan siguransa makas hosi PNTL, biar apoiantes no simpatizantes sira nian motor balun hetan prende hosi polisia tranzitu tanba viola lei kodiku estrada.

Besik tuku 2:00 nune’e, La kleur serene siguransa pesoal hosi kandidatura Prezidente Lu Olo nian lian makas iha nadodon naruk ne’e nia klaran, obrigado kareta no motor hosi apoiantes no simpazitantes tenke fo dalan hodi nune’e, kareta ne’ebe tula Kandidatura PR refere bele liu, la kleur tuir kedan kareta hosi Sekretariu Jeral partidu Fretilin, lider nain rua ne’e para iha estrada besik portaun oin rotunda Nicolau Lobato nian.

Hafoin kandidatura Prezidente Lu Olo tun hosi kareta, ema wain ne’ebe iha kareta leten no motor leten hakilar Lu Olo nian naran, Avo Lu, haree ba reasaun hosi apoiante sira, kandidatu Prezidente ne’e hiit liman nudar simbolu ida hodi hatan.

Lu Olo ne’ebe akompaña hosi ninian espoza, no Mari Alkatiri hakat tama ba areadores estatua Nicolau Lobato hodi foti aifunan tau ba plaka Estatua Nicolau Lobato hodi presta omenazen nudar onra ba eroi boot nasaun RDTL.

Hafoin presta omenazen hotu, lider nain rua hosi partidu Fretilin nian ne’e sae kareta aranka kedan ba Tasitolu hodi halo Kampaña ikus hosi kandidatura Prezidente Lu Olo nian. (pogo)

About dilipost

Check Also

Tansa ? MNEK Xina Lá Liu Husi Sala VIP Aeroporto Kompara Ho Bainaka Seluk

DILI Post-Konseleiru Estadu Ka Ministru Negosiu Estranjeiru no Koperasaun (MNEK) Repúblika Popular Xina,Wang Yi ho …

Leave a Reply

Your email address will not be published.