Saturday , October 1 2022

Kaprez JRH Realiza Dialogo Ho Komunidade Suku Tekinomata ho Seiçal

Ramos Horta ho Alin Laek

BAUCAU DILI Post- Kandidatu Prezidente Jose Ramos Horta (JRH) halo Dialogo ho Komunidade Suku Tekinomata-Laga ho Suku Seiçal,akompaña husi ekipa partido CNRT no kuadru Partidu Libertasaun Popular (PLP), Custodio Belo “Alin Laek”.

Iha Ambitu dialogo ne’e kabdidatu prezidente Numeru 1 promete ba komunidade suku-rua ne’e atu servisu maka’as ho Governu para bele hadi’a ekonomia povo no nasaun.

Premiadu Novel da Paz Ramos-Horta nota iha tinan haat nia laran ne’e, ekonomia povu no nasaun iha nahak todan boot ida kauza hosi impase polítika no violasaun konstituisaun ne’ebé komete husi atual Prezidente Repúblika, Francisco Guterres “Lú Olo” ho VIII Governu Viabiliza husi partidu FRETILIN.

“Hau sei mai vizita hamutuk ho maun-boot Xanana no embaixadór sira atu haree oinsá mak bele mak haree poténsia investimentu iha Seiçal ho Laga atu bele loke kampu servisu no hadi’a povu nia ekonomia ne’ebé susar tebes-tebes ohin loron,” Ramos-Horta hateten iha ambitu Dialogo ho Komunidade Suku Tekinomata-Laga ho Suku Seiçal,Sesta,(08/04)

Senior Diplomata Horta afirma, tinan lima mai ne’e dezafiu boot tebes maka povu ho nasaun nia ekonomia hakdasak hahu husi 2017- 2022.

“Ema balun iha ukun dehan, ekonomia di’ak hela tanba sira la sente saida mak povu sente agora. Sira la sente ne’e tanba kada fulan sira simu hela osan no subvensaun sira seluk husi Estadu no husi povu nia osan” tenik nia

Ramos-Horta hateten, iha eleisaun prezidensiál, 19 Abríl ne’e, povu tenke matenek atu hili Prezidente Repúblika ida ne’ebé bele hadi’a hikas imajen Timor-Leste iha mundu internasionál hodi hadi’a relasaun internasionál no konvense hikas investór internasionál atu mai halo investimentu hodi kria empregu ba foin-sa’e sira.

Nia akresenta tan ema balun ne’ebé agora tuun ba halo kampaña atu hanesan fali kampaña ba eleisaun parlamentar, hodi soe propaganda polítika no kompromisu polítika atu fó subsídiu ba kada uma-ka’in $200.00.

“Sé kuandu hakarak fó bainhira povu ne’e moris iha susar nia laran, kalamidade 04 Abríl 2021 no aumenta tan ho sasán nia folin agora sa’e maka’as, Governu bele fó de’it ona. La’ós promete osan hodi buka votu husi povu”Horta koalia ho hamnasa.

Ramos Horta ho esperansa katak maioria populasaun suku rua ne’e seu fó votu konfiansa ba nia iha eleisaun segunda volta hodi lori mudansa no hadi’a hikas povu nia moris.(cal)

About dilipost

Check Also

PM Taur Simu Vizita Ofisial Husi MNEK Xina

DILI Post-Primeiru Ministru (PM) Taur Matan Ruak, Sesta feira loraik ne’e iha Palásiu Governu, simu …

Leave a Reply

Your email address will not be published.

Advertisement

Advertisement

Advertisement

Advertisement

Advertisement

Advertisement