Monday , September 27 2021

Kazu Delta III, Tribunal Aplika Prizaun Preventiva Ba Arguidu Nain Tolu, Ida Hetan TIR.

DILI Post-Tribunal Distrital Dili, Kuarta (28/07) ohin, aplika Prizaun Preventiva ba arguidu nain tolu ho inisial JCP, JS, MSC, no ENCP hetan Termu Identidade Rezidensia (TIR) ba kazu homesidu simples ne’ebe akontese iha loron (09/07) area Delta III hamate Hilario Vitalicio Soares.

Advogadu Privadu, Sergio Lobo Junior hateten, arguidu nain hat deskonfia komete krime homesidu simples ne’ebe Ministeriu Publiku promove mai iha Tribunal.

“Iha prosesu inkeritu nian laran ne’e, hosi tribunal aplika prizaun preventiva ba arguidu nain tolu, no mos termu de identidade rezidensia ba arguidu nain ida, ” dehan nia iha Tribunal Distrital Dili,Kolmera,ohin.

Nia dehan, tribunal aplika prizaun preventiva no TIR ba argudiu sira,
tanba bazeia ba provas ka deklarasaun hosi argudu sira.

“Tuir trbunal nian hare katak iha duni indisius forte bazeia ba deklarasaun hosi arguidu sira nian maka tribunal foti desizaun, ” tenik Advogado ne’e.

Nia esplika, agora kazu ne’e iha hela prosesu inkeritu laran hodi asegura argudiu sira, tanba kazu ne’e homesidu. Ho nune’e, parte defeza sei hanoin, no komunika ba familia sira hodi halo rekursu.

“Parte defeza seidauk hanoin atu halo rekursu, mais ami sei komunika lai ho familia ho arguidu sira mak iha direitu liu, depois maka parte defeza fo tuir prazu de’it, karik familia hanoin halo nusa ami foin bele halo rekursu, ” nia haktuir.

Prosesu inkeritu ne’e prejide hosi Juisa Ercilia de Jesus, advogado nain rua mak Sergio Lobo Junior, no Arlindo Sanches.

Enkuantu, Defensor Publiku maka Jonas Henrique no Henrique da Costa no Ministeriu Publiku mak Ricardo Leite Godinho.

Entertantu kazu ne’e akontese, wainhira iha konfrontu ida iha area Delta III, Suku Komoro, postu Administrativu Don Aleixo, Munisipiu Dili, loron 9 fulan Jullu, mais ou menus tuku 00:45 kalan hodi hamate joven ida ho naran Hilario Vitalicio Soares.

Hafoin iha loron 27 fulan Jullu liu hosi servisu sekreta Servisu Investigasaun Kriminal Nasional (SIKN), no Servisu Informasaun Polisia (SIP) konsege kaptura suspeitu nain hat hodi subemte ba prosesu.(mark)

About dilipost

Check Also

Naimori Bukar Hetan Suspensaun Pedidu Husi Tribunal Distrital Baucau

Dili Pos – Konseleiru Másimu Partidu Kmanek Haburas Unidade Nasionál Timor Oan (KHUNTO) José dos …

Leave a Reply

Your email address will not be published. Required fields are marked *