Friday , July 30 2021

Kazu Lahane, MJ Iha Ona Prizaun Preventiva

Dili Post – Oknum PNTL ho inisial MJ iha ona prizaun preventiva tanba utiliza armas tiru komunidade nain tolu.

Ho kazu ne’ebe akontese Tribunal Distrital Dili, Tersa (8/6) ohin, hatun despaixu ba arguidu MJ ne’ebe komete krime rua hodi hamate sidadaun nain rua nia vida inklui nain ida kanek iha aldeia Ainitas-hun, Suku Lahane osidental Sabadu semana kotuk.

Tuir advogadu privadu, Cansio Freitas hateten, desizaun ne’ebe mai husi Tribunal adekuadu duni hodi fo ba arguidu, tanba publiku nia hatene arguidu hanesan ajente PNTL maka komete ba problema.

“Desizaun ne’ebe maka tribunal fo sai, parte defeza haree katak, adekuadu duni ho situasaun atual.Tanba, medida kuasaun ne’e mos bele aplika ba arguidu atu nune’e situasaun sira ne’e publiku hotu intende katak, PNTL sai hanesan problema i nune’e mos arguidu nia vida no familia,”haktuir advogadu Cansio ba jornalista, hafoin sai husi sala julgamentu iha Tribunal, Kolmera, ohin.

Nia hatutan, ho kondisaun sira ne’e hotu tetu ba mai maka nia hetan prizaun preventiva.

Ne’e duni, nia hanesan advogadu husi parte arguidu nian sei la halo rekursu maibe iha prosesu balun ne’ebe maka nia tenke halo.

“Defeza sei lahalo rekursu tanba iha prosesu balun ne’ebe maka defeza presiza halo maka, konaba insendiu ne’ebe maka pratika husi grupu balun hodi fo kauza ba iha arguidu nia rezidensia no sasan sira ne’ebe maka rahun,” afirma advogadu privadu ne’e.

Aliende ne’e iha loron Segunda (07/06)horseik arguidu ho inisial MJ submete ona iha prosesu primeiru interogatoriu iha Tribunal Distrital Dili.

Nune’e, Ministeriu Publiku promove arguidu ba krime omesidu agravadu no krime omesidu tentada, ne’ebe previstu iha artigu 139 iha alina B no F husi kodigu penal Timor-Leste.

Arguidu lori ba iha tribunal, akompana husi Polisia Sientifiku Investigasaun Kriminal.

Iha prosesu primeira interogatoriu ne’e prezide husi juiz titular Afonso Carmona, Ministeriu Publiku reprezenta husi prokurador Jacinto Babo, arguidu hetan asistensia legal husi Advogadu Privadu Cansio Freitas.(AnY)

About dilipost

Check Also

Sidadaun Indonezia nain 6 iha hela Prizaun Bekora

DILI Post- Sidadaun Indonezia hamutuk nain neen (6) sei iha hela prizaun Bekora. Diretor Prizaun …

Leave a Reply

Your email address will not be published. Required fields are marked *