Monday , November 28 2022

Kazu Membru Polisia Ida Mate Iha Otel, PNSIK Bolu Sidadaun Ida Halo Identifikasaun

Sidadaun vitima AC ne’ebe deskansa hamutuk ho membru CSP hakat tama ba sala investigadaun PNTL, iha Kuartel jeral Kaikoli- Dili, Kinta (26/05).

DILI Post-Kazu membru Polisia Nasional Timor-Leste (PNTL), hosi Corpu Siguransa Pesoal (CSP) ho inisial ‘SB’ neebe mate iha Otel Longxieng besik Loza Funan Buras area Delta, Postu Administrativu Don Aleixo, Munisipiu Dili, iha loron 25 fulan Maiu ne’e.

Dadaun ne’e Polisia Nasional Servisu Investigasaun Kriminal (PNSIK) bolu sidadaun feto ida ho inisial AC hodi halo prosesu identifikasaun.

Tuir relatoriu ne’ebe Diariu nee asesu iha loron Kinta Feira nee, Polisia Nasional Timor-Leste, kompostu hosi Servisu Informasaun Polisia ho Servisu Investigasaun Kriminal Nasional kaptura ona sidadaun feto ida ho naran insial AC ne’ebe hamutuk ho vitima SB iha Otel Longcxieng ne’ebe mate iha Kuarte feira ne’e.

Iha momentu akontesementu polisia asegura kedas imajen suspeitu nian ne’ebe grava hela iha CCTV otel nian, nunee ekipa buka tuir hodi lokaliza sidadaun feto nee nia paradeiru iha munisipiu Likisa.

Nune’e ekipa halo planu hodi kaptura AC iha area RSS munisipiu Likisa nian no transprta kedas ba edifisiu SIK Nasioanal iha oras tuku 09:00 Otl hodi kontinua ba prosesu identifikasaun.

Tuir informasuan ne’ebe diariu ne’e hetan hosi sidadaun feto ne’e dehan sai katak, AC ho vitima kontaktu malu, no AC hosi Likisa ho mikrolete tun iha Tasitolu, no vitima ho kareta ba tula, nune’e sira nain rua ba otel hodi deskansa.

Hafoin deskansa vitima dehan ba AC hodi haris lai hafoin mak deskansa. Maibe, derepente SB monu iha haris fatin, no kaben mutin sai, tanba tauk AC dada vitima hodi hatoba iha sumente leten, no halai hodi ba sae mikrolet fila kedas ba Likisa.

Haree ba vitima ne’ebe mate iha Otel laran, parte otel nain kontaktu kedas polisia Fonrensik hodi ba HNGV para submete ba autopsia.

Enkuantu, dadaun ne’e vitima iha hela HNGV, no suspeitu tuir hela prosesu investigasuan hodi bele hetan kauza lolos vitima nian mate.

Vitima nudar membru PNTL hosi CSP ne’ebe destakadu iha PN, akontesementu ne’e akontese iha Delta,loron Kuarta feira ne’e.(pogo)

About dilipost

Check Also

Deskonfia Liman Kroat Na’ok Karau

DILI Post-Akontesimentu ne’ebe foin lalais, akontese iha baze. Riku soin povu hanesan animal haki’ak karau …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Advertisement