Tuesday , June 28 2022

KI Lamenta Dezisaun MNEK Bandu Jornalista Intervista Ho MNEK Xina

DILI Post- Prezidente Komselu Imprensa (KI) Timor Leste, Virgilio Guterres lamenta disizaun husi Ministériu Negosiu Estranjeiru no Koperasaun (MNEK)Timor Leste ne’ebe bandu Jornalista sira atu hala’o Intervista ho Ministru Negosiu Estranjeiru Repúblika Xina nian ne’ebe sei mai vitiza Timor Leste iha loraik ne’e.

Relasiona ho Vizita MNEK República Xina mai Timor Leste , Kl hanesan entidade estadu nian, apresia tebes servisu Governu nian atu halo diplomasia ho rai seluk liu liu atu lori moris diak ba Nasaun no povu ida ne’e.

Maibe, iha parte seluk Imprensa Timor Leste lamenta ho desizaun husi Protokular MNEK Timor Leste ne’ebe bandu fali Jornalista sira atu halo intervista.

“KI preokupa liu mak buat ne’ebe relasaun diplomasia sira ne’e labele kompromete Direitu Povu no Direitu Publiku nian atu hetan Informasaun, ba Ida ne’e KI Konsidera iha Artigo 40 no 41 ne’ebe Koalia kona ba liberdade imprensa,” Prezidente KI afirma nia pozisaun hodi defende Jornalista liu husi Komferensia Imprensa ne’ebe hala’o iha KI, Sesta feira (3/6) ohin.

Tan ne’e, nia dehan KI lamenta Tebes ,Bandu Jornalista sira atu intervista, se halo iha Nasaun seluk ne’e Komselu Imprensa lá iha Kompetensia atu koalia.Maibe, ida ne’e halo iha Díli ne’e kompetesia atu Bele koalia bainhira halo limitasaun ba jornalista sira.

Nia esplika iha Artigu 19 Deklarasaun Universal Diréitus Umanus ne’ebe hatete Sidadaun hotu iha Direitu atu hetan Informasaun, Buka informasaun no hato’o Informasaun.

Maibe, nia preokupa tanba protukolu husi MNEK Timor Leste ne’ebe bandu fali Jornalista sira atu husu Perguntas ba bainaka sira ne’ebe Vizita Timor Leste.

“Ami preokupa mak Protokolar sira Husi MNEK nian Bandu jornalista sira atu husu Perguntas no ida ne’e Konselu Imprensa Konsidera Taka Dalan ba Publiku atu hatene informasaun Liu liu Bainaka internasional sira ne’ebe mai hasoru orgaun soberanu Timor Leste hanesan Prezidente Repúblika , Primeiro Ministro,” kestiona prezidente KI ne’e.

Tan ne’e KI protestu hasoru Ministériu Negosiu no Estranjeiru atu labele kompromete no bandu Jornalista sira atu husu Perguntas ba Bainaka sira ne’ebe mai koalia kona ba interese nasaun nian.

KI mós rekomenda ba instituisaun Estadu nian atu labele Taka dalan ba jornalista sira hodi asesu informasaun iha Kualker momentu ne’ebe Timor Leste koalia kona Ba Relasaun Internasional Sira.

Ho Vizita MNEK Repúblika Xina sei selebra Assinatura Memorando de entendememtu Entre Governu Timor Leste iha Área ne’en Hánesan ,Akordu Transporte Sivil Aero, Ekonómika no Kooperasaun Tékniku; Protokolu iha área saúde; Lisensa ba transmisaun iha RTTL; Troka Notas ba segunda faze ba DTMB-A demonstration project no MoU ba Kooperasaun Agrikultura entre provinsia Hunan Xina- No Timor Leste Liu Liu iha Munisípiu Manatutu.

Ne’e duni KI husu Ba Instituisaun Governu nian atu labele subar ka Taka Informasaun ba jornalista sira, nune’e Publiku Bele hatane Kona ba Prosesu hirak ne’e hotu.

Enkuantu Konselhu Estadu ka Ministru Negosiu Estranjeiru Repúblika Xina Mr .Wang Yi sei to’o iha Timor leste iha sesta ne’e iha Parte Lorokraik.(JAVEL)

About dilipost

Check Also

Tansa ? MNEK Xina Lá Liu Husi Sala VIP Aeroporto Kompara Ho Bainaka Seluk

DILI Post-Konseleiru Estadu Ka Ministru Negosiu Estranjeiru no Koperasaun (MNEK) Repúblika Popular Xina,Wang Yi ho …

Leave a Reply

Your email address will not be published.