Tuesday , June 28 2022

KI-UNDP Fasilita Jornalista Nain 22 Kobertura Iha Munisipiu 6

DILI Post-Konsellu Imprensa(KI) hamutuk ho United Nations Development Program(UNDP) hetan apoiu husi governu Japaun fasilita Jornalista nain 22 halo kobertura ba eleisaun prezidensial nian iha Munisipiu 6.

Jornalista nain 22 kompostu husi Instituisaun Media 19 no fahe ba grupu tolu grupu 1 kobre Munisipiu Manatutu no Baukau,grupo 2 kobre Munisipiu Ainaru no Aileu grupu 3 Likisa no Bobonaro.

Tuir Diretor Ezekutivu KI, Rigoberto Monteiro katak media bus ka media tour ho objetivu atu halo kobertura ba iha loron eleisaun Prezidensial nian iha fatin ne’ebe Jornalista sira atu halo kobertura hanesan iha munisipiu 6.

Tanba ho hanoin ida ne’e atu halo kobertura maioria husi midia hotu-hotu bazeia ba KI nia rejultadu monitoring iha area remotas sira tan ne’e UNDP buka meius oinsa hodi atu fasilita ita nia kobertura iha Timor Leste ba iha eleisaun sira.

“Ita nia objetivu ne’e atu kobre hotu iha area rurais. Maibe, ita ba deit area ne’ebe ita bele to’o tanba eleisaun loron ida deit ita la bele halo kobertura hotu kedas ba fatin hotu-hotu l, maizumenus ita nia prezensa iha sosiedade nia leet nee iha keta iha infrasaun ruma mosu bele halo lamentasoes liu husi media atu nune’e bele publika iha ita nia sosiedade ne’e mak objetivu husi media tour,”dehan Diretor Rigoberto ba jornalista, iha salaun enkontru KI, Kintal Boot,Sesta(18/03) ohin.

Nia haktuir Media tour organiza husi KI maibe parseria ho UNDP no hetan apoiu fundus husi governu Japaun ne’ebe apoiu KI ho pakote hamutuk ho hakerek ba matadalan reportajen eleisaun nian.

Iha fatin hanesan reprezentante Projeitu UNDP CORE-TL, Bruno Lancastre iha nia parte kontenti tebes ho Jornalista sira nia partisipasaun.

“Ha’u hakarak agradese ba ita boot sira nia partisipasaun husi KI, ami supporta ami nia apoiu ida ne’e ho governu japaun tanba Iha Timor-Leste jornalista iha vontade atu partisipa hodi halo kobertura iha eleisaun sira, ” tenik Bruno.(AnY).

About dilipost

Check Also

Tansa ? MNEK Xina Lá Liu Husi Sala VIP Aeroporto Kompara Ho Bainaka Seluk

DILI Post-Konseleiru Estadu Ka Ministru Negosiu Estranjeiru no Koperasaun (MNEK) Repúblika Popular Xina,Wang Yi ho …

Leave a Reply

Your email address will not be published.