Thursday , January 26 2023

KM Kompleta Ona Estrutura RAEOA-ZEESM

DILI Post —  Rejiaun Administrativa Espesiál Oe-cusse Ambenu no Zona Espesiál Ekonomia Sosiál Merkadu (RAEOA-ZEESM) kompleta ona nia estrutura tanba Konsellu Ministru (KM) nomeia tan sekretáriu rejionál na’in 7 no  adjuntu sekretáriu rejionál ida.

Projetu rezolusaun governu nomea sekretáriu rejionál  7 no Sekretáriu rejionál na’in ida  ne’ebe aprezenta husi Primeiru-Ministru (PM), Taur Matan Ruak, liu husi reuniaun KM ordináriu hetan ona aprovasaun, Kuarta (15/07) iha palásiu Governu.

Ho nomeasaun ne’e kompleta ona estrutura RAEOA-ZEESM .

Hafoin remata reuniaun Ministru Prezidénsia Konsellu Ministru (MPKM), Fidelis Leite Magalhães informa, projetu nomeasaun ba sekretáriu rejionál no adjuntu sekretáriu rejionál sira ne’e atu kompleta estrutura autoridade RAEOA-ZEESM nian.

Nune’e mos sekretáriu rejionál adjuntu ne’e sei apoiu servisu prezidente autoridade RAEOA-ZEESM.

“Membru KM mós aprova projetu rezolusaun governu rua ne’ebé aprezenta husi PM, kona-ba nomeasaun sekretáriu rejionál na’in 7 ba autoridade RAEOA, no aprova mós nomeasaun ba sekretáriu rejionál adjuntu ba prezidente autoridade RAEOA,” hateten Ministru Fidelis Magalhães ba jornalista.

Nia esplika, sekretáriu rejionál na’in 7 ne’e sei asumi responsabilidade iha área hanesan, administrasaun públika rejionál, edukasaun, solidariedade no seluk tan.

” Agora  sekretáriu rejionál ba autoridade REAOA ne’e sei asumi responsabilidade iha área administrasaun rejionál, edukasaun, Solidariedade Sosiál,Finansas, tarras propriedade, administrasaun, saúde, komérsiu no industria,” tenik Fidelis.

Governante ne’e akresenta, Prezidente Autoridade RAEOA-ZEESM, Arsénio Bano sei tau matan ba iha área planeamentu infrastruturas, ordenamentu territóriu no kadástru, dezenvolvimentu rurál no turízmu komunitáriu.

Aliende ne’e, nia dehan sekretáriu rejionál adjuntu ba prezidente autoridade RAEOA-ZEESM asumi titulár ba kargu ezekusaun administrativa ho kompeténsia ba administrasaun liu-liu iha área atividade ne’ebé determinadu ona hodi responde diretamente ba prezidente autoridade.  (ajo)

About dilipost

Check Also

PM Taur Vizita Kortejia Ba Embaixada TL Iha Singapura

DILI Post-Primeiru-Ministru (PM) Taur Matan Ruak akompaña husi nia espoza, Isabel da Costa Fereira, hafoin …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement