Thursday , June 17 2021

Komandu Kria Ona Ekipa Hodi Avalia Servisu PNTL

DILI Post- Komandu Polisia Nasional Timor-Leste (PNTL), kria ona ekipa ida hodi haree avalia servisu iha instituisaun PNTL nian laran hodi bele hadia di’ak liu tan iha futuru.

Komandante Jeral PNTL, Komisariu Polisia Faustino da Costa hateten lia hirak ne’e ba Jornalista hafoin remata inkontru avaliasaun servisu ho Komandante Munisipiu 13, no komandante Unidade sira hotu.

“Inkontru ida ohin ne’e primeiru konaba kontinua halo avaliasaun servisu ba servisu sira ne’ebe mak hala’o iha terenu, segundu mak konaba saida mak PNTL tenke ser prepara ba oin liliu ba tinan 2022 nian, ” dehan Faustino hafoin remata inkontru iha Kuartel Jeral PNTL, Kaikoli-Dili,(09/06)

Atu hadia PNTL maka, Nia haktuir, Komandu instala ona ekipa balun para atu bele haree ba oin tinan 2022 nian, para depois sei halo fali aprejentasaun ba fali komandu.

Aliende ne’e, Komanu mos orienta ona atu haree servisu operasaun nian atu bele identifika sira ne’ebe di’ak kontinua mantein, maibe sira ne’ebe la di’ak persija hadia.

Maske nune’e, komandante ne’e husu atu publiku kontinua tau konfiansa ba PNTL, tanba kazu Lahane ne’e involve hosi oknum ida no nia rasik simu ona konsekuensia hosi aktu ne’ebe nia halo.

“Membru ida mak halo asaun ne’e, maibe la signidfika membru sira seluk ne’e hanesan dada an tiha hosi servisu, sira tenke kontinua sira nian servisu ne’ebe atribui ona iha lei,” katak Nia

Enkuantu oknum ne’e simu ona ninian konsekuensia tuir gravidade ne’ebe mak nia halo, maibe la signifika seluk mos ses hosi knar ne’ebe mak polisial tenk halo.(mark)

About dilipost

Check Also

Ema Deskunesidu Oho Joven Ida Iha Maumali-Ritabou

DILI Post-Ema deskunesidu oho joven ida ho naran Costodio Antonio de Fatima Pascoal iha area …

Leave a Reply

Your email address will not be published. Required fields are marked *