Tuesday , June 28 2022

Komandu PNTL Orienta Ona OPS Identifika Sidadaun Iha Dili Tama Sai Ilegal

Komandante PNTL Munisipiu Dili, superintendente xefi, Henrique da Costa

DILI Post – Ofisial Polisia Suku (OPS) hetan ona orientasaun husi Komandu Polisia Nasional Timor Leste (PNTL) Munisipiu Dili.

Atu identifika sidadaun sira iha Kapital Dili ne’ebe tama sai ilegal liu husi Fronteira entre Timor Leste ho Indonezia.

Orientasaun ne’e Komandu PNTL munisipiu Dili fo ba OPS iha enkontru ne’ebe realiza loron Kinta feira (02/09) ohin.

Iha intervista Komandante PNTL Munisipiu Dili, superintendente xefi, Henrique da Costa hateten komandu PNTL munisipiu Dili hala’o enkontru ho OPS sira hodi fo orientasaun konaba, implementasaun kontinuasaun konfinamentu domilisiariu jeral ne’ebe sei kontinua iha munisipiu Dili to’o loron 9 fulan Setembru ne’e.

Ne’e duni, nia husu ba OPS sira nafatin halo komunikasaun ho lider komunitariu no Konselu Polisia Suku (KPK) hodi ajuda aviza ba komunidade sira iha bairu bairu, para nune’e kumpri regras ne’ebe fo sai.

“Ita mos enkontru ho OPS sira, para nune’e identifika ema sira ne’ebe mak hela iha suku, iha sira nian aldeia ne’ebe tama sai ilegal depois aprezenta mai komandu para nune’e ita relata ba iha komandu jeral,” dehan nia ba jornalista, hafoin remata enkontru ho OPS iha PNTL munisipiu Dili, ohin.

Tuir nia, objetivu hosi identifikasaun ne’e para komandu bele iha dadus ruma konaba aktividade tama sai ilegal ne’e.

“Iha identifikasaun ne’e ho objetivu atu hetan de’it sira nian data ruma para bele akompaina sidadaun sira ne’e,” tenik komandate Henrique.

Maske nune’e, nia dehan to’o dadaun ne’e komandu PNTL Dili seidauk identifika funsiunariu publiku balun maka halo movimentu ilegal hodi ba sa’e sintu iha mota sorin Atambua.

Enkuantu tuir dadus ne’ebe fo sai oras ne’e dadaun sidadaun timoroan sira ne’ebe hetan kapturasaun hosi autoridade siguransa Indonezia nian, no deporta ona mai TL hamutuk atus neen (600) resin no balun to’o agora sei iha hela Atambua.(mark)

About dilipost

Check Also

Domingos Konsideira Funsiunariu Palasiu Governu “Matan Delek”

DILI Post-Komandante Tranzitu Komandu Polisia Munisipiu Dili, Inspetor Polisia, Domingos Sarmento Gama konsideira funsiunariu Palasiu …

Leave a Reply

Your email address will not be published.