Wednesday , June 16 2021

Komandu Prosesa Ona Demisaun Ajente PNTL Tiru Mate Ema Nain Rua iha Lahane

DILI Post- Komandu Polisia Nasional Timor-Leste (PNTL) dadaun ne’e prosesa ona demisaun ba ajente PNTL M ne’ebe invole iha kazu tiru mate sidadaun nain rua, inklui kanek ida iha Aldeia Ainitas-Hun, Suku Lahane Osidental, Postu Administrativu Nain Feto, Munisipiu Dili iha semana kotuk liu.

“Bem, prosesu (demisaun) la’o hela, tanba ne’e mak ohin ita hato’o katak iha tempu badak ita sei hala’o ida ne’e,” dehan Komandante Jeral PNTL, Komisariu Polisia Faustino da Costa hafoin remata inkontru ho Komamdante Munisipiu sira iha Kuartel Jeral PNTL, Kaikoli-Dili ohin

Nia hatutan, Konselu superior ne’ebe involve komandante munisipiu, inklui komandante unidade orienta ona ba sekretariu Konselu nian para atu haree kestaun refere.

Aliende ne’e, Komandu mos atribui ona despaixu ba Inspesaun, no Departamentu Justisa hodi hala’o sira nian servisu.

Enkuantu oras ne’e dadaun, oknum PNTL ne’ebe komete iha aktu ne’e iha ona prizaun prevwntiva hodi hei fali prosesu tuir mai. (mark)

About dilipost

Check Also

Ema Deskunesidu Oho Joven Ida Iha Maumali-Ritabou

DILI Post-Ema deskunesidu oho joven ida ho naran Costodio Antonio de Fatima Pascoal iha area …

Leave a Reply

Your email address will not be published. Required fields are marked *