Tuesday , October 19 2021

Komisaun Rekrutamentu F-FDTL Elemina Membru Foun Nain Tolu

DILI Post-Komisaun Rekrutamentu Falintil Forsa Defeza Timor-Leste (F-FDTL) ba tinan 2021 elemina membru foun nain tolu.

Kandidatu nain tolu ne’e komisaun elemina tanbá, nain ida komete iha Arte Marsiais, nain ida falsifika dokumentus, ida seluk tanbá la marka prezensa wainhira aprezenta an ba iha komisaun.

“Ema ne’ebe maka ohin la mai sei iha substituisaun, tanba ema barak maka hakarak tama, no oportunidade ne’ebe maka fo lakohi, pasiensia ida ne’e nia konsenkuensia, sira ne’ebe maka mete iha artemarsiais ita elemina hotu sira,” dehan Sekretariu Tekniku Komisaun Rekrutamentu F-FDTL tinan 2021, Kapitaun Infantaria, Rui Soares wainhira halo hela palestra ba Kandidatus foun sira iha Kuartel Jeneral, Fatuhada- Dili, (22/09).

Enkuantu totál Kanidatus F-FDTL foun ne’ebe aprezenta an iha loron Kuarta Feira (22/09) hamutuk 239, inklui nain tolu ne’ebe elemina.

Kandidatus hirak nee mai hosi munisipiu sia, hanesan Dili ho total kadetes 48, Likisa 27, Bobonaro 17, Ermera 53, Aileu 30, Manatutu 21, Baucau 43.

Kapitaun Rui Soares esplika, razaun prinsipal konvida kandidatus sira mai iha ne’e ho objetivu reverifika no konfirma prezensa kanidatus sira nian.
Tuir planu kadetes foun sira nee sei transporta ba Sentru Formasaun F-FDTL, Nicolau Lobato, Metinaru iha loron 29 oras tuku 09:00 dadersan.

“Ohin loron tolu ou haat ami sei fo ita boot sira iha uma prepara ita boot sira nia sasan no ropa sivil ruma, nunee bele uza iha metinaru ne’eba,”dehan nia.

Aliende ne’e, komisaun husu atu kadetes foun tenke kompleta vasina doze daruak, molok aranka ba Metinaro, inklui Feto sira sei halo teste urine.

Enkuantu sira mos tenke aranja mos kamizola mutin, no kalsa jinastiku kor metan.

Tuir planu iha loron Kinta feira kanidatus foun atus rua resin sei aprezenta an ba komisaun rekrtutamentu iha Kuartel Jeral F-FDTL, inklui rejime espesial sira.(mark)

About dilipost

Check Also

F-FDTL No TNI Deskute Kapasitasaun Rekursu Umanus

DILI Post- Falintil -Forsa Defeza Timor-Leste (F-FDTL) no Tentara Nasional Indonézia (TNI) iha loron Sesta …

Leave a Reply

Your email address will not be published. Required fields are marked *