Friday , December 3 2021

KomJer Deklara Ajente Faustina Demite Ona Hosi PNTL

DILI Post-Komandante Jeral (KomJer) Polisia Nasional Timor-Leste (PNTL), Komisariu Faustino da Costa deklara ajente polisia Faustina Saldanha Cardoso la’os ona membru PNTL, tanba iha fulan hirak ba kotuk Komandu demite ona membru refere hosi instituisaun PNTL.

“Loos duni ema ne’e uluk membru PNTL, maibe antes PSIK ezekuta mandadu ida ne’e PNTL no konsellu superior reuni tiha ona aprezenta ba governu proposta demisaun, no sua exelensia Primeiru Ministru hanesan Ministru Interior hasai ona despaixu demisaun nian antes PSIK ezekuta mandadu, ” haktuir Komisariu Fuastino ba Jornalista, Kuartel Jeral PNTL, Kaikoli-Dili, Tersa (19/10).

Tan ne’e, nia la’os ona membru hosi instiuisaun PNTL, maibe nia hanesan ona sidadaun babain ka eis membru PNTL. Tanba,involvimentu ba iha kazu burla agravada no falsifika dokumentus.

Enkuantu, iha loron Sesta feira semana kotuk, PSIK kumpri mandadu hosi Ministeriu Publiku hodi halo detensaun ba iha arguida Faustina Saldanha Cardoso, tanba la kopera ho justisa konaba kazu ne’ebe nia komete hanesan burla agravada no falsifika dokumentus.

Entertantu tribunal hamonu ona pena prizaun tinan haat ba arguida, nune’e iha loron (18/10) PSIK lori ona arguida ba iha prizaun Glenu hodi kumpri desizaun hosi Tribunal Distrital Dili. (mark)

About dilipost

Check Also

PNTL Prende Kilat Anin No Fugetis Iha Microlete Laran Iha Area Tunubibi

DILI Post- Komandu Polisia Nasional Timor-Leste (PNTL), Munisipiu Bobonaro hosi ekipa Alfa no Forsa Rezerva …

Leave a Reply

Your email address will not be published. Required fields are marked *