Sunday , December 4 2022

KomJer Faustino Rejeita Laiha Kilat Ilegal

DILI Post-Komandante Jeral Polisia (KomJer) PNTL, Komisariu Faustino da Costa rejeita katak laiha kilat ilegal ne’ebe espaila iha komunidade nian leet.

Nia kasu lia hirak ne’e relaaiona ho informasaun ne’ebe espaila iha sosiadade nian leet katak iha individu balun lori kilat amiasa povu babain atu bele vota ba kandidatu prezidente balun.

Nia klarifika, konaba informasaun. no imajen balun ne’ebe espaila iha media sosial ne’e imajen antigu ne’ebe mak individu balun publika atu halo provokasaun.

Nia konsideira, fotografia ne’ebe viral iha media sosial, ne’e foto antigu nian ne’ebe maka ema tenta atu shere fila fali.

“Saida mak komandu sempre orienta, liliu instituisaun nian internalmente katak laiha movimentus armas ne’ebe laiha autorizasaun hosi ninian komandu ka superiores nivel altu sira,” dehan Faustino ba Jornalista sira hafoin remata parada jeral iha Kuartel Jeral PNTL, Kaikoli-Dili, Domingu (17/04) ohin.

Maibe, nia dehan karik balun iha duni informasaun katak iha duni prova bele hato’o keixa para komandu haree ninian kontinuasaun ba prosesu.

Nia hateten, Timor tenke iha lei sibernetika hodi limete sidadaun nia liberdade, no direitu atu publika informasaun sira ne’ebe hamosu provokasaun, no kria instabilidade.

“Ha’u hanoin ida ne’e ita persija tebes, ita nia situasaun maka to’o ohin loron lei sibernetika seidauk iha, saida maka durante ne’e PNTL halo, ita sempre halo identifikasaun 12 de tempu, maibe ita nian lei prosesu kodiku penal katak iha kazu sira hanesan ne’e, primeiru tenke iha keixa,” nia afirma.

Enkuantu, to’o oras ne’e parte Komandu PNTL seidauk simu keixa ruma hosi sidadaun sira konaba kilat ilegal ne’ebe espaila hodi amiasa sidadaun sira.

“Em prinsipiu keixa ofisial mai iha ha’u nian gabinete to’o ohin loron seidauk, ” dehan Faustino.

Maske nune’e, komandu orienta ona ba parte relevantes instituisaun nian, para atu buka tuir no uja kompotensia ne’ebe lei fo katak oras 12 hodi halo identifikasaun.

Antes ne’e, iha media sosial viral ho vidio badak ida ne’ebe publika hosi sidadaun balun katak husu ba parte autoridade siguransa hanesan PNTL no F-FDTL atu toma responsabilidade ba kilat ilegal sira ne’ebe hahu espaila iha teritoriu laran tomak hosi intedade balun hodi amiasa komunidade sira. (pogo)

About dilipost

Check Also

Membru PNTL Ida Mate Iha Hotel Laran

DILI Post -Timoroan ida ho naran inisial SB nudar membru Polisia Nasional Timor Leste (PNTL), …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement