Friday , May 20 2022

Komponente Naval Deteta Peska Ilegal Iha Kosta Sul

DILI Post-Falintil Forsa Defeza Timor-Leste (F-FDTL), liu husi Komponente Naval iha tinan 2021 deteta ro ne’ebe halo peska ilegal iha tasi Timor parte Kosta Sul kuaze 50 ka 60 durante fulan ida.

Kamandante Komponente Naval, Kapitaun Fragata Joao da Silva hateten, durante tinan 2021 sistema husi Komponente Naval nian konsege deteta atividade peska ilegal iha Kosta Sul kuaze 50 to’o 60 Ro.

“Barak, ami iha dadus, tanba iha ita nian sistema ho naran ‘Sky Light’ ne’ebe kada loron ita deteta aktividade peska ilegal iha Kosta Sul ne’eba, la’os dehan la deteta, ita deteta no hatene ro ne’e nian medida naruk hira, ro ne’e mai husi ne’ebe, ita hatene tan ne’e sistema ‘automatic detection’ ne’e fo sai mai iha ita nian sistema ita ‘print out’ fo ba ita nian irarkia mais altu, ” dehan nia iha Aniversariu Komponente Naval ba dala 20 iha Kuartel Hera-Dili, Kinta Kuarta feira ne’e.

Tuir nia, Sistema ‘Sky Ligth’ deteta peska ilegal sira ne’e balun permanente to’o fulan tolu ka hat. Dadaun ne’e, Komponente Naval laiha ro atu bele halo patrolia ba iha Kosta Sul, nia dehan ida ne’e kompetensia politiku sira nian atu tau matan ba komponente naval, liliu sosa fasilidade ba naval.

Maibe, nia afirma komponente naval nian misaun mak kontinua relata saida mak akontese iha terenu.

“Balun permanente iha ne’eba, balun halo peska loron ida, loron rua sira sai husi ne’eba, ne’ebe ha’u bele dehan fulan ida ne’e ro kala 50 ka 60 bele halo atividade ilegal iha ita nian tasi, ” tenik Komandante Naval ne’e.

Enkuantu Ro sira ne’ebe halo peska ilegal balun mai husi nasaun vizinhu Indonezia, Vietnam, Thailandia, no nasaun seluk tan. (pogo)

About dilipost

Check Also

Polisia Lá Tolera Ema Kriminozu

DILI Post- Komandante jeral Polisia Nasional Timor-Leste (PNTL), Komisariu Faustino da Costa deklara fo ona …

Leave a Reply

Your email address will not be published.