Friday , July 30 2021

Komunidade Balun Kontinua Ulun Tos, Halo Uma Iha Mota Ibun

DILI Post- Maske governun bandu ba komunidade sira labele halo uma iha mota ibun no fatin ne’ebe protizu.

Maibe, komunidade balun sei kontinua nafatin halo uma besik mota ibun iha area mota Comoro.

“Ami sempre fo hatene ba sidadaun sira atu labele halo tan uma besik mota ibun no tasi ibun tanba sei fo risku boot ba sira nia vida,” informa Xefi Suku Bebonuk, Serafin Masedo ba Dili Post, (15/6).

Nia mos lamenta komunidade balun halo uma iha mota ibun tempu kalan no loron ba hare uma hamrik tiha ona.

Hanesan autoridade lokal nafatin fo aviza ba sira labele halo uma iha fatin risku sira ne’e.

“Sira nafatin ulun tos halo uma iha mota ibun, aban bairua mota tun sobu sira nia uma tenke simu konsikoensia no labele atu fo sala ba governu,” afirma nia.

Tanba, nia dehan estadu bandu labele halo uma besik mota atu proteze ninia sidadaun sira husi dezastre. Mais, komunidade balun kontinua la rona.(assa)

About dilipost

Check Also

MKAE Atualiza Prosesu Adezaun Ba Organizasaun Mundial Komersiu

DILI Post- Ministro Koordenador asustus ekonomiku(MKAE) Joaquim Amaral enkontru ho primeiru Ministro Taur Matan Ruak …

Leave a Reply

Your email address will not be published. Required fields are marked *