Tuesday , October 19 2021

Komunidade Comoro Selebra Loron Falintil Ho atividade Feira Oioin

DILI Post-Komunidade Suku Komoro, Postu Administrativu Don Aleixo, selebra loron ezistensia Falintil ba dala 46 ho atividade feira.

Xefi Suku Komoro, Eurico da Costa esplika atividade feira ne’e ho objetivu atu selebra loron ezistensia Falintil nudar liman kroat povu nian badala 46, no atividade ne’e hetan kuñesementu hosi autoridade lokal suku ne’e nian.

“Feira ne’e inisiativa hosi komunidade aldeia hat ,hodi halo animasaun ba populasaun sira, tanba durante Estadu Emerjensia povu paniku, ” dehan nia iha knar fatin, Komoro-Dili, Segunda (16/08).

Nia hateten, atividade feira ne’e realiza tanba liu hosi proposta komunidade sira nian, hodi hato’o ba Ministeriu Industria no Komersiu (MTKI) no Inspetor Jeral do Estadu (IJE) hodi aprova sira nian pedidu.

Atividade ne’e, involve komunidade aldeia hat hanesan aldeia Moris foun, aldeia 30 de Agusto, aldeia Golgota no aldeia 4 de Setembru.

Xefi suku ne’e apela ba Komisaun organizadora atu organiza feira ne’e ho di’ak, labele iha disturbu entre joven sira, no tenke kopera ho PNTL no F-FDTL, no autoridade lokais sira nune’e feira bele la’o ho di’ak. (mark)

About dilipost

Check Also

KSI Fasilita Treinamentu CBDRM no PAK ba Komunidade Beilaku

Organizasaun Kdadalak Sulumutuk Institute fasilita formasaun CBDRM ba komunidade Beilaku, Suka Raimea. COVALIMA (DILI Post) …

Leave a Reply

Your email address will not be published. Required fields are marked *