Tuesday , June 28 2022

Labarik 48% Iha TL Kontinua Sofre Malnutrisaun

DILI Post- Prezidente Institutu Para Defesa do Direitos Das Crianças Institutu Publiku (INDDICA I.P) ,Dinorah Granadeiro relata tuir dadus husi Ministério Finansas (MF) no Diresaun Estatístika ne’ebe servisu hamutuk ho Institutu ba Defesa Direitu labarik nian, hatudu porsentu ha’at nulu resin walu (48), labarik iha Timor Leste (TL) kontinua sofre hela ba Malnutrisaun no moris iha Kiak nia laran iha teritoriu TL.

“Tuir relatório ne’ebe ami hala’o kada tinan ha’at husi Ministerio Finansa no INDDICA, ne’ebe hala’o servisu oinsa atu hare ba situasaun labarik sira nian hanesan edukasaun,Malnutrisaun, saneamentu no higene inklui mos iha setor Prevensaun no protesaun ba labarik Sira iha Timor ne’e oinsa,” dehan Prezidente INDDICA ne’e ba Jornalista, iha Salaun Auditoria MF Aitarak laran Díli, Tersa (24/5).

Nia hatutan, iha relatoriu ne’e deskreve situasaun labarik sira ne’e hatudu 48% labarik Sira husi Populasaun Timor Leste sofre hela ba Malnutrisaun no Moris iha kiak Nia laran.

Politika Governu nian ne’ebe atu implementa hodi reduz Númeru Malnutrisaun no Númeru Kiak iha Timor mak , dadaun Ne’e Institutu Para Defesa do Direitos Das Crianças Servisu hamutuk ho Linha Ministerial Sira hodi bele tulun ba Programa Refere.

Dinorah relata Ministério ne’ebe sai Promotor ba Situasaun Labarik sira Timor leste mak iha Linha Ministerial ha’at ne’e foka Liu ba Situasaun Labarik sira Nian,Maibe la Taka Dalan ba Minister hotu hotu.

“Ministerio ha’at Mak sai Xave no sira Nia target direita ba iha labarik , mak Hanesan Ministerio Saúde (MS), Ministerio Solidariedade social no Inkluzaun (MSSI) Ministerio Edukasaun Joventude no desporto (MEJD) No Ministério Justisa (MJ),Tanba sira ne’e mak liga ba Asuntu labarik Nian,Maibe la Taka dalan ba ministeriu hotu hotu atu apoiu ba Desenvolvimentu labarik Sira nian.”afirma Dinorah Granadeiro.

Tuir Sensus husi Tinan 2015 Populasaun Timor Leste iha Milaun Ida resin ,Maibe husi ne’e porsento Lima Nulu (50%)maioria Labarik.

Atu Redus No Alkansa husi Situasaun ne’e mak Institutu Nasionál Para Defesa do Direitos Das Crianças ,Sei Kontinua hala’o Sensibilizasaun ,Advocasia no Promosaun ba Populasaun hotu hodi hasa’e Sira Nia konesimentu nune’e bele garante Moris Dignu ba labarik Sira.(JAVEL)

About dilipost

Check Also

Citilink Sei Voo Hikas Iha Fulan Maiu

DILI Post-Aviasaun Citilink sei hahu hikas ninian voo komersial iha loron 30 fulan Maiu tinan …

Leave a Reply

Your email address will not be published.