Thursday , December 2 2021

Lere Deklara EUA Sei La Sai Nain Ba Aeroportu Baucau

DILI Post-Xefe Estadu Maior Jenerál Falintil-Forsa Defeza Timor-Leste (F-FDTL),Tenente Jenerál Lere Anan Timur afirma Estadu Unidus Amerika (EUA) sei la sai nain ba Aeroportu Baucau.

Tuir nia, konstrusaun Aeroportu Baucau ne’ebé apoiu husi Estadu Unidus Amérika ne’e bazeia ba koperasaun tekniku militár, la’ós apoia tanba iha interese ruma.

“Aeroportu Baucau ne’e, ha’u hanoin imi mós hatene, molok atu halo konstrusaun husi Amerikanu sira, ita rona komentáriu barak, iha pro kontra barak los, katak sira mai ne’e ho hakrak hanesan ne’e, no hanesan ne’ebá, maibé ha’u atu dehan, konstrusaun Aeroportu ne’e bazeia ba ita nia koperasaun tekniku militár, no ha’u dehan ba sira, sira mai ajuda la’ós atu mai sai nain ba Aeroportu, nain ne’e ami, ami Timor mak nain, kuandu prontu tiha entrega mai ami, i ami fo nia destinu, ba Aeroportu sivil ka, Aeroportu militár ka Aeroportu ekonomia komersial, ne’e ita nia governu estadu mak sei deside,”dehan Lere hafoin hasoru malu ho Asistente Adjunta Ministru Defeza EUA, iha Kuartel Jerál Fatuhada-Dili Kinta (11/11)

Nia hatutaun, maske demokrasia hateten ema ida-idak bele fo nian hanoin, maibe tenke iha konfiansa ba ema, no ba an-rasik.
Ita tenke hatene katak, ha’u mak rai nain, no rai nain uma nain hakarak fó mak fo,se la fo, la fo to’o mate de’it, hanesan uluk ita funu atu ukun an mós hanesan ne’e, ita iha konseitu ida katak mate ka moris ukun rasik an, no agora mós ita nafatin hanesan ne’e,” dehan Lere
Tanba Timor nasaun soberania ,Timor ki’ik no Timor foin harii, maibé soberania ne’e la sukat nune’e fiar katak estadu America sira sei apoia bazeia ba koperasaun tekniku militár neebe iha ona.

Asistente adjunta Ministru Defeza EUA ba Ázia Súl no Ázia sudeste Aziatiku, Lindsey W.Ford hateten, EUA ninia komitmentu mak atu hametin parseria, no amizade rohan laek ho Timor-Leste, no apoiu hirak ne’e la’ós tanba interese.
“Hanesan belun ida demokrásia nia, EUA orgullu tebes halo parseria ho TL hodi hametin kooperasaun seguransa, no ko’alia kona ba dezafiu sira ne’ebé nasaun rua ne’e hasoru,liu-liu ba Aeroportu Baucau, no orsida ha’u sei ba vizita Aeroportu Baucau, no sei hare oinsá ami forneses apoiu ba ita boot sira hodi rehabilita Aeroportu ne’e, no sei la’ós uza ba militar nia de’it, maibé mós sei uza ba duminu sivil nia iha futuru, no koperasaun hirak ne’e la ho intensaun seluk” nia afirma.

Entretantu Progresu rehabilitasaun Aeroportu Baucau, dadaun ne’e komesa ona hamos pista iha area Aeroportu nia, tanba sei rehabilita pista ne’e uluk.

Depois konstrui lutu perimetru haleu Aeroportu para ba futuru sei uza hodi responde dezastre naturál, apoiu humanitario, no ba futuru oinsá atu haluan liu tan usu ba parte sivil nian, no komérsiu ne’ebé sei lori vantajen ba turizmu.(mark)

About dilipost

Check Also

PNTL Prende Kilat Anin No Fugetis Iha Microlete Laran Iha Area Tunubibi

DILI Post- Komandu Polisia Nasional Timor-Leste (PNTL), Munisipiu Bobonaro hosi ekipa Alfa no Forsa Rezerva …

Leave a Reply

Your email address will not be published. Required fields are marked *