Tuesday , October 19 2021

Lere: “Ha’u Seidauk Koália Buat ida, Ema Ida Seidauk Eleminadu”

DILI Post-Xefe Estadu Maior Jeral Falintil-Forsa Defeza Timor-Leste (F-FDTL) Tantente Jeneral Lere Anan Timur hateten, wainhira nia seidauk pronunsia deklarsaun ruma, kadetes sira seidauk eleminadu Prosesu rekrutamentu F-FDTL ba tinan 2021.

Jeneral Lere kasu liafuan ne’e, hodi hatan ba preokupasaun publiku nian konabá Komisaun Rekrutamentu F-FDTL ba tinan 2021 ne’ebe elimina kadetes foun nain tolu iha loron Kuarta Feira (22/09).

Ho razaun nain ida komete iha arte marsiais, nain ida falsifika dokumentus, no ida seluk tanba la marka prezensa wainhira aprezenta-an ba komisaun.

“Ha’u seidauk koália buat ida, ema ida seidauk elemindu, so ha’u mak bele elemina, porque bele iha konfuzaun ke kestaun de kadetes komandu ne’e, ha’u maka autoriza, ha’u mak la autoriza la’e, iha militar ne’e, kadeia komandu ne’e uniku, ha’u mak komanda.Entaun, seidauk, sira bele komentariu dehan elemina nain tolu, nain hat mais enkuantu ha’u seidauk deside ema ida seidauk eleminadu,” afirma Lere iha Kuartel Jeneral F-FDTL, Fatuhada-Dili, Kinta ohin.

Tan ne’e, nia parte seidauk deside konaba kadetes nain tolu ne’ebe eleminadu ona, tanbá komisaun rekrurtamentu F-FDTL mos seidauk hato’o konaba kestaun refere ba iha Komandu.

“Inkoporasaun iha dia 27, sei iha tempu, sira sei mai hato’o ba h’au katak, sira mai dehan ida ne’e hanesan ne’e nusa, avansa ka elemina, depois mak ha’u deside,”tenik Lere.

Jeneral fitun tolu ne’e esplika, molok atu tama ba rekrutamentu ne’e, komandu iha kriterias balun ne’ebe rigorozu nudar lutu ba nasaun, primeiru tenke lealidade, segundu patrotismu, nasionalismu, tanba atu serviu rai no estadu, signifika nasaun nian vida boot liu o nian vida.

“Mais agora se elemina la elemina, ha’u mak sei deside, la’os kualker ema mak deside,” katak veteranu tinan 24 ne’e.

Enkuantu, konaba rejime espesial Lere dehan, Komandu sei buka solusaun, maibe konaba elemina kadetes foun ne’e responsabilidade ninian, la’os ofisial babain sira nian.

Antes ne’e, komisaun rekrtamentu F-FDTL deside elemina kadete foun nain tolu tanbá ho razaun katak, nain ida involve iha arte marsiais, nain ida tan falsifika dokumentus, no ida seluk tanba lamarka prezensa wainhira aprezenta an ba iha komisaun rekrutamentu F-FDTL nian.(mark)

About dilipost

Check Also

F-FDTL No TNI Deskute Kapasitasaun Rekursu Umanus

DILI Post- Falintil -Forsa Defeza Timor-Leste (F-FDTL) no Tentara Nasional Indonézia (TNI) iha loron Sesta …

Leave a Reply

Your email address will not be published. Required fields are marked *