Tuesday , August 9 2022

Lere : Resposta Xanana La Tuir Sira Nia Sentimentu

DILI Post— Xefi Estadu Maiór Jenerál das FALINTIL- Forsa Defeza Timor-Leste (F-FDTL), major Jenerál Lere Anan Timur konsidera, karta resposta ne’ebé Kay Rala Xanana Gusmão nian la reflete tuir sira nia sentimentu.

Lere haktuir, karta ne’ebé nia hakerek ba Kay Rala Xanana Gusmão reprezentante veteranu hitu iha instituisaun F-FDTL laran hodi manifesta sira nia preukupasaun ba líder nasionál sira atu rezolve impase polítika.

Lere Anan Timur hato’o assuntus ne’e, hodi responde ba karta resposta husi Eis Komandante en-xefi das FALINTIL, Xanana Gusmão.

“Ha’u-nia maun Xanana la resposta tuir ami-nia sentimentu, maibé nu’udar ha’u-nia maun ami bele hasoru malu loron ida, ha’u sei buka tempu hasoru malu ho ha’u-nia maun, ami atu ko’alia didi’ak,” dehan Lere Anan Timur, ba journalist,  Sesta ohin, iha palásiu Governu.

 Tuir nia, ukun aan ne’e dalaruma konseitu ida ne’ebé hotu-hotu rona ona, tanba harii nasaun ida ne’e ho raan ho isin, fitar sei iha maka oan kiak, veteranus sira agora moris oinsá lahatene, ida ne’e mak sentimentu ne’ebe sira aprezenta.

Lere informa, karta ne’e mós la’ós haruka de’it ba Xanana Gusmão, maibé ba líder nasionál sira hotu, maske la’ós fundadór FRETILIN no fundadór FALINTIL.

“Karta ne’ebé ha’u haruka la’ós ha’u de’it, ha’u en-nome F-FDTL liu-liu ofisiais jenerais,  ami hato’o ami-nia preukupasaun no sentimentu, ami mós funda nasaun ida ne’e, ami la’ós fundadór FRETILIN, fundadór FALINTIL, maibé nasaun ida ne’e ami mós funda,” tenik jeneral fitun rua ne’e.  

Ulun boot F-FDTL ne’e dehan sira observa situasaun polítika ne’ebé la’o iha órgaun soberania hanesan, Prezidente Repúblika, Parlamentu Nasionál, Governu no mós tribunál halo sira preukupa, tan ne’e hakerek karta ba líder sira atu tur hamutuk hodi buka solusaun.

“Ami hare situasaun polítika rai laran, ami sente ladún satisfeitu. Ne’e mak haruka surat ba lideres istóriku sira atu sira bele tetu pelu menus sira bele altera situasaun ida ne’e, atu husik situasaun ne’ebé di’ak ba jerasaun futuru mai,” afirma Lere.(ajo)

About dilipost

Check Also

Domingos Konsideira Funsiunariu Palasiu Governu “Matan Delek”

DILI Post-Komandante Tranzitu Komandu Polisia Munisipiu Dili, Inspetor Polisia, Domingos Sarmento Gama konsideira funsiunariu Palasiu …

Leave a Reply

Your email address will not be published.