Friday , July 30 2021

Lere-Sabika Simu Vasina Dahuluk, Falta Xanana Gusmao

DILI Post-Xefi Estadu Maior Falentil-Forsa Defeza Timor Leste (F-FDTL), Tanente Jeneral Lere Anan Timur, no Brigadeiru Jeneral Americo Ximenes Sabika Besi Kulit ohin (15/06) simu vasina Sinovax dahuluk, enkuantu falta de’it Xanana Gusmao.

Antes ne’e, Xefi Estadu F-FDTL seidauk simu vasina doze primeiru Astrazeneca tanba tensaun altu, maibe ohin (15/06) lideransa F-FDTL ne’e simu vasina primeiru sinovax nian.

“Ha’u hanoin aimorun ne’e hanesan de’it, soke diferensia mak iha mudansa ba naran ida Astrazeneca no ida Sinovax, maibe ninian efeitu ne’e ba ida de’it ba corona, ha’u mos hein se sinovax la mai mos, sempre ha’u simu Astrazeneca, mais tanba Sinovax mai ona oportunidade di’ak ha’u simu ida ne’e” dehan Lere hafoin simu Vasinasaun iha Kuartel F-FDTL, Fatuhada-Dili ohin

Tuir Lere katak iha mundu populasaun sira simu vasina oin hat mak hanesan Sinovax, Astrazeneca, inklui rua seluk, maibe ninian efeitu mak atu halo prevensaun ba surtu covid-19.

” Ha’u laiha intensaun despreza Astrazeneca hakarak sinovax, mas ha’u hanoin katak lideransa Timor kuaze simu hotu ona, ne’ebe ohin ha’u ho Komandante Sabika, ho ha’u nian siguransa, no ha’u nian gabinete ami simu vasina Sinovax ne’e,” katak Nia
Jeneral fitun tolu ne’e apela ba sidadaun sira ne’ebe seidauk simu vasina atu labele tauk no fiar lia anin hodi ignora vasinasaun, tanba ne’e nuda meius ida atu salva populasaun hosi surtu covid-19.

“Ha’u husu ba ita nian populasaun Timor laran tomak atu prontu hodi bele simu vasinasaun, no labele tauk, tamba mate ne’e distinu, ohin mate, aban mos mate, ” dehan Lere

Enkuantu iha fatin hanesan, Diretora Saude Munisipiu Dili, Agustina Sigurado hateten, hosi lideransa nasional sira maioria simu hotu ona vasinasaun, maibe hela de’it mak Xanana Gusmao, tanba ne’e sira nian parte sei halo aprosimasaun nune’e bele simu vasinasaun.

“Ita nafatin halo aprosimasaun no advokasia ba ema hotu atu nune’e nia rasik deside konaba vasina ne’e, tanba ne’e ita haree entre lideransa nasional sira hela de’it mak maun boot Xanana,” dehan Nia

Diretora ne’e mos esplika efeitu hosi Sinovax rasik ladun makas, maibe entre aimoruk rua ne’e Sinovax, no Astrazeneca ninian servisu hanesan de’it maka atu halo prevensaun ba covid-19. (mark)

About dilipost

Check Also

Loron Falintil Sei Prienxe Ho “Tour Falintil Dalan Ba Dame” Iha Ainaro

DILI- Post Xefi Estadu Maiór Jenerál Falintil-Forsa Defeza Timor Leste (F-FDTL) Tenente Jenerál Lere Anan …

Leave a Reply

Your email address will not be published. Required fields are marked *