Thursday , May 19 2022

Lere : Seidauk To’o Tempu Deklara Kandidata-An Ba PR

DILI Post-Maske publiku rona ona informasaun Kandidatu Prezidente Republika (PR) ba periodu 2023-2027 ida mak Xefi Estadu Maior F-FDTL, Tentente Jeneral, Lere Anan Timur.

Maibé, nia rasik seidauk prontu deklara-an hodi kompete iha elisaun Prezidente.

“Seidauk to’o tempu hau dehan prontu atu kandidatu, ate Prezidente Republika mos seidauk koalia buat ida, se kuandu presidente dekreta ona, ha’u to’o momentu ida ke ha’u sei kandidata ka la kandidata, e depois mak hau sei anunsia,” dehan jeneral Lere ba Jornalista, iha Kuartel F-FDTL, Fatuhada-Dili, Kinta(06/01).

Hatan ba pregunta Jornalista konabá ekipa hahu tun rekoila ona eleitoral hodi fo apoiu, Jeneral fitun tolu ne’e dehan ho hamnasa ba jornalista sira katak ne’e sira nia problema.

“Ida ne’e laos problema hau nian, agora se sira rekoila ba husu sira, tansa mak rekoila,” tenik Lere.

Maske nune’e, konaba ninian mandatu, Lere dehan, tuir lolos nia reforma ona husi Xefi Estadu Maior Jeral F-FDTL, tanba idade too ona 70.

Maibe, nia dehan tempu badak sei ba servi fali familia. Tanba, tinan 50 ona servi estadu.

“Ha’u 70 anus ona, lolos ne’e ba ona reforma, mais ohin ha’u bele husu nia reforma, hanesan ohin ha’u dehan ita nudar ema buat rua de’it mak ita servi, ha’u servi estadu durante kuaze 50 anus, hau mos agora tempu ona atu ba servi fali hau nia familia,” afirma nia. (pogo)

About dilipost

Check Also

Virgilio Reativa Dispensaun Prezidente KI

DILI Post–Prezidente Konsellu Imprensa (KI), Virgilio Guteres halo reativasaun ba dispesaun durante fulan tolu nia …

Leave a Reply

Your email address will not be published.