Wednesday , June 16 2021

Loron Internasional Arkivu, CNC Sei Hakbi’it Arkivu Sira Hodi Preserva Ba Jerasaun Foun

Dili Post-Centro Nacional Chega (CNC), selebra loron internasional arkivu ba dala 16, tanba arkivu sai hanesan dokumentus ida ba jerasaun foun sira atu bele lori dezemvolvimentu ba oin.

Tuir Diretor Exezetivu CNC, Hugo Maria Fernandes hateten ohin selebra tinan 16 ONU deside loron 9 hanesan internasional arkivu pontu importante ho tema bo’ot iha tinan ida ne’e maka empodera arkivu hodi hakbi’it liu tan arkivu sira.

“Hakbi’it ne’e ita ko’alia konaba asesu no transparansia oinsa mak arkivu sira ne’e bele nakloke no bele utiliza ha’u hanoin ida ne’e mak signifikante bo’ot,”dehan Hugo ba Jornalista, iha Balide, Kuarta (9/06).

Nia hatutan, kada Nasaun iha kondisaun diferente hodi nakloke arkivu ba publiku atu bele asegura.

Maibe, nia dehan ativistas balun deside katak Tenke iha posibilidade atu arkivu ida ne’e nakloke ba públiku para asegura transparansia akuntabilidade, no mos oinsa mak atu uza arkivu ne’e hodi halo politíka Públiku ne’ebe mak di’ak.

“Se aprende husi arkivu bele estabelese politika públiku ne’ebe mak di’ak, buat at sira dudu ses tiha no tau mak buat di’ak,” afirma diretor CNC ne’e.

Aleinde ne’e, Vise Ministru administrasaun Estatal (MAE), Lino de Jesus Torezão hatutan, internasional arkivu ne’e mos presiza rekursu umanu ne’ebe maka di’ak, tanba arkivu nia prezerva ne’e husi Historia pasadu hodi hatutan jerasaun foun sira.

Ne’e duni, nia relata objetivu selebra loron internasional ba arkivu nian, presiza mos rekursus ne’ebe maka iha ninia kapasidade atu bele hetan arkivu.

Tanba, tuir nia iha fatin hotu-hotu arkivu ninia preserva ne’e iha historia ne’ebe maka pasadu nian atu hela rai ba jerasaun sira ne’ebe tuir mai bele hatutan nafatin iha futuru.

“Atu beke kapasita no hatutan nafatin preservasaun ne’ebe maka agora dadauk iha,” tenik Vise Ministru Lino, hafoin loke abertura. (AnY)

About dilipost

Check Also

PN Sei Uza Kanal RTTL,E.P Transmite Programa

DILI Post- Parlamentu Nasional (PN) sei uza kanal RTTL,E.P hodi transmite programa liu husi Radio …

Leave a Reply

Your email address will not be published. Required fields are marked *