Sunday , October 2 2022

Loron Primiru Kampana, Lere Misa Sinzas Hamutuk Ho Povu Iha Dili

DILI Post – Kandidatu Prezidente Republika periodu 2022-2027 ho númeru sorteiu 8, misa sinzas hamutuk ho povu iha Dili, hafoin halao kampana ba loron primeru iha Munisupiu Manatutu.

Misa sinzas ne’e partisipa husi Kandidatu Prezidente Repúblika, Lere Anan Timur ho espoza inklui ekipa susesu sira iha Kapela seminariu Canosa Balide, Kuarta (2/3) ohin.

Iha misa ne’ebe dirije husi Amu selebrante, Angelo Salsinha liu husi omilia fo hanoin ba sarani sira katak
oras ne’e daudaun hametin konfiansa, partilla esperiensia lori povu atu komprende di’ak moris ne’ebe loos, hodi nunee bele la’o tuir ukun ne’ebe loos.

“Aktu esmola ne’e hanesan karidade ida ne’ebe mai husi maromak. Halo buat di’ak ne’e knar sarani liu sakramentu batismu,” haktuir Angelo.

Hafoin remata misa, Kandidatu Prezidente Republika periodu 2022-2027, Lere Anan Timur, agradese ba Amu Selebrante, Angelo Salsinha, Madre Canosiana inklui seminarista sira ne’ebe akompana ona iha selebrasaun ne’e.

Nia dehan tan, ho hanoin katak maromak sei fo bensaun ba povu, no Povu rasik mós sei fo bensaun mai atan hanesan Kandidatura ba Prezidente Republika no ba povu tomak.

“Hanesan mós ohin ita reza ba Matebian sira katak Matebian sira mós sei la dukur sei la toba, sira mós hakarak justisa lia lo’os paz estabilidade ba ita nia rain, tanba ida ne’e mak sai ha’u forsa no beran sira sei tulun ha’u aban bainrua ha’u bele sai Prezidente ba rai doben ida ne’e no ba povu terus na’in ida ne’e atu sira bele moris iha dezentendimentu paz damen nia laran,” hateten Lere.

Lia menon husi kandidatu ho numeriu sorteu 8 ne’e husu ba siminarista sira atu eskola didi’ak aban bainrua sai futuru nasaun nian, susesu mós ba ekipa sira.

Entretantu tuir orariu kampana iha Munisipiu Manatutu remata sei deskoka kedas ba munisipiu Vikeke hodi kontinua kampana iha loron Kinta feira loron 3 fulan fulan Marsu ne’e (nicky)

About dilipost

Check Also

PM Taur Simu Vizita Ofisial Husi MNEK Xina

DILI Post-Primeiru Ministru (PM) Taur Matan Ruak, Sesta feira loraik ne’e iha Palásiu Governu, simu …

Leave a Reply

Your email address will not be published.

Advertisement

Advertisement

Advertisement

Advertisement

Advertisement

Advertisement