Tuesday , June 28 2022

Lú Olo Vota Iha Sentru Votasaun Farol “Fiar Metin Manan”

DILI Post – Kandidatura Númeru 6, Francisco Guterres ‘Lú Olo’ ho nia espoza no Sekretariu Jeral Partidu Fretilin to’o iha fatin sentru votasaun Farol, tuku 08:00.

Hafoin remata vota Kandidatura ‘Lú Olo’ hateten, nia sei manan iha Primeiru Ronde.

“Hau fiar metin manan iha primeiru ronde ida ne’e, husik ba povu ninia votu mak konfia, militante ho apoiantes sempre simu hela de’it, rejultadu ba saída de’it. Agora hau hakarak atu apelu ba hotu-hotu para bele iha vontade ida ne’e,”dehan Lú Olo, iha suku Motael-Farol, Sábadu (19/03) ohin.

Tan ne’e, Kandidatura númeru 6 hare ekipa Polin staf ho fiscais sira halao sira nia servisu ho diak tebes ba iha dader ida ne’e.

Ne’e duni, nia husu ba sira atu halo apuramentu ho lolos ba rejultadu eleisaun ida né’e.

“Mensajen ligadu ba iha kontajen de votu, Hau hare ekipa sira iha ne’e, sei halao sira nia Servisu ho diak, para nune’e halo apuramentu ho lolos ba rejultadu sira ne’ebe maka ohin loron ida ne’e, ema hotu-hotu ba husik hela sira nia votus, “hateten Lú Olo.

Nune’e, kandidatu Lú Olo deklara ezerse nia direitu hodi hametin estádu demokratiku ba rai doben ida ne’e.

“Hau vota para atu hametin ita nia estádu de direitu demokratiku, hodi halão dezenvolvimentu ida ne’ebe sustentável para hadia ita nia povu nia diak, “tenik Lú Olo.

Tan ne’e, nia prontu atu simu rejultadu ba eleisaun ida ne’e, kandidatu nain 16 ne’e, se mak atu eleitu sai Prezidenti Republika ba povu tomak.

“Se mak kompete ne’e prontu atu bele nanan prontu atu lakon, mais hau dehan katak hau sei Manan, kandidatu se de’it mak manan Ita Timoroan de’it,” afirma Lu Olo.

Nia mos fo hanoin ba povu hakmatek nafatin para lori eleisaun ida ne’e bele lao ho diak.

Iha fatin hanesan Sekretariu Jeral Partidu Fretilin, Mari Alkatiri reforsa tan mai ezerse nia direitu garante nia Kandidatura atu manan iha eleisaun ide ne’e.

“Hau mai vota para atu manan, ne’ebe Kandidatura Númeru 6 manan tiha Ona, Fretilin garante paz no estabilidade, ne’ebe Lú Olo manan tiha ona ba eleisaun ida ne’e,” dehan Alkatiri.(Jimm)

About dilipost

Check Also

Tansa ? MNEK Xina Lá Liu Husi Sala VIP Aeroporto Kompara Ho Bainaka Seluk

DILI Post-Konseleiru Estadu Ka Ministru Negosiu Estranjeiru no Koperasaun (MNEK) Repúblika Popular Xina,Wang Yi ho …

Leave a Reply

Your email address will not be published.