Sunday , November 27 2022

MAKLN Sei Redus Buka Restus Mortais

DILI Post— Polítika Ministériu Assuntus Kombatentes Libertasaun Nasionál (MAKLN) ba oin sei  redus buka tuir restus mortais saudozu no mártires sira ne’ebe to’o ne’e buka la hetan.

Ministru Assuntus Kombatentes Libertasaun Nasionál, Julio Sarmento ‘Meta Malik’ hateten, durante ne’e família saudozu sira-nian ho estadu buka restus mortais saudozu sira la hetan, no foti de’it fatuk ida tau iha kaixaun laran hodi hakoi atu dignifika sira-nia luta. Maibé, dignifika mamuk de’it.

Ne’e duni, nia haktuir daudaun ne’e restus hamutuk rihun 10 resin mak halot ona iha jardim eróis no osoáriu ne’ebé estadu prepara iha munisípiu sira.

“Polítika governu ida agora, ita buka redus buka restus mortais. Tanba, la’ós ita diskrimina lakohi ke’e lae, maibé ke’e mak la hetan duni ona,” informa Ministru Meta Malik ba jornalista, hafoin akompaña husi Sekretáriu Estadu, Gil da Costa Monteiro “Oan Soru” hasoru malu ho Xefi Governu, Taur Matan Ruak iha palásiu Governu.

Nia hatutan, prosesu identifikasaun família ne’ebé nia ema lakon iha funu liu husi uma lisan sira, tanba uma lisan  kuiñese di’ak liu nia ema.

Tan ne’e, nia dehan agora dadaun Sekretáriu Estadu, Oan Soru sosializa hela polítika Governu ne’e ba família mártires sira nian, kona-ba polítika Governu harii momentu iha postu administrativu 65.

” Ita redus ida ne’e, halo fali polítika foun ne’ebé governu prepara hela sei tun ba kraik fó volta fatin hotu-hotu sei esplika no rona diskuti para 2020-2021 ita bele hamosu monumentu iha postus,” esplika Meta Malik

Tuir nia, se ida ne’e mak bele halo, hahú identifika ona mate mak ida ne’ebé atu responde ba 200 mill, mate labele konta de’it funu mak mate. Maibé, tenke konta mós ida inan kous, inan dada aman, sira ne’e hotu par ita bele prienxe resposta to’o rihun 200 ka lae,”subliña nia.

Nia dehan tan, bainhira fó resposta hotu ona ba ema rihun 200, hafoin bele fokus dezenvolvimentu nasionál, tanba labele halo dezenvolvimentu iha ruin ho ran nia leten. (ajo)

About dilipost

Check Also

PM Taur Vizita Kortejia Ba Embaixada TL Iha Singapura

DILI Post-Primeiru-Ministru (PM) Taur Matan Ruak akompaña husi nia espoza, Isabel da Costa Fereira, hafoin …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Advertisement