Tuesday , October 19 2021

Mane Foun Hakanek Nia Banin Feto No Mane ho Katana Iha Manatutu


DILI Post- Deskonfia mane foun hakanek banin mane ho banin feto ho katana iha Postu Administrativu Laclubar, Munisipiu Manatutu.

Akontesementu ne’e akontese iha area Bahareduk suku Batara, postu aministrativu Laclubar, Munipiu Manatutu iha oras tuku 17:15 lokraik.

Vitima Bere Alas nudar suspeitu nian banin mane hetan taa makaas iha parte ulun, no nia banin feto Bui Luan hetan taa iha kabas parte karuk, no iha akontesementu ne’e ekipa polisia nasional Timor-Leste (PNTL) postu Cribas, Laclubar, apoiu mos Taksforce husi munispiu Manatutu to’o kedas iha fatin akontesementu hodi hakalma situasaun, no evakua kedas vitima nain rua ba Ospital Munisipiu Manatutu.

Sasin Daniel da Costa haktuir, problema ne’e akontese kedas iha loron Sabadu (28/08) kalan, vitima ho nia mane foun mak deskuti malu.

“Iha fali Loron Domingo lorokraik mak sira deskuti malu makas, ikus mai mane foun lori katana ta’a nia banin mane iha iha parte ulun, no banin feto iha parte kabas karuk,”dehan sasin via Telefone Domingo horseik.

Nia hateten, iha akontesementu ne’e, joven sira iha bairo Bahareduk kaer kedan suspeitu, no kesi metin iha ai ho fiu hodi hein polisia sira mai hakalma situasaun.

Aliende ne’e Komandante Munispiu Manatutu superintendete Polisia João da Costa hatutan, kazu ne’e akontese polisia to’o kedas iha fatin akontesementu hodi hakalma situasaun.

Tuir nia, suspeitu oras ne’e kumpri hela detensaun durante oras 72, no vitima sira iha ona Ospital hodi halo tratamentu, maske nune’e vitima ida seluk transporta kedan ba HNGV tanba sofre kanek todan.

“Ita seidauk bele halo identifikasaun ba sira, tanba sira ne’ebe kanek ne’e sei iha hela Ospital, hafoin investigasaun mak ita sei bolu ida-ida hodi hatene los motivu hosi kazu ne’e,”dehan Komandante Munispiu Manatutu ne’e.

Nia dehan tan iha inisiu rona de’it katak sira deskuti malu iha uma laran, hosi rian, alin no mane foun ho banin sira mak deskuti malu, kala buat ruma mak la kona malu mak hamrik ta’a malu fali ne’e.

Ho akontesementu ne’e konaba motivu hosi kazu ne’e seidauk bele fo sai tanba sei iha prosesu investigasaun laran. (mark)

About dilipost

Check Also

Naimori Bukar Hetan Suspensaun Pedidu Husi Tribunal Distrital Baucau

Dili Pos – Konseleiru Másimu Partidu Kmanek Haburas Unidade Nasionál Timor Oan (KHUNTO) José dos …

Leave a Reply

Your email address will not be published. Required fields are marked *