Wednesday , June 16 2021

MEJD Distribui Material Ba Eskola Lima

DILI Post – Ministeriu Edukasaun Juventude no Desportu (MEJD), liu husi Diresaun Nasional Asaun Sosial Eskolar (DNASE), entrega material ba eskola hamutuk 5 afetatadu inundasaun.

Diretor Nasional DNASE Joaquim Martins hatete, eskola sira nee hetan estragus iha akontesementu Inundasaun dia 04 Abril 2021, afeta ba komunidade sira, sasan barak mak lakon no ema rezulta ema mate.

“Ami halo kooperasaun ho Protesaun Sivil, Ministeriu Obras Publikas no parseiru sira oinsa ita bele limpeza eskola sira atu nune’e normaliza ona prosesu aula”Dehan nia bainhira entrega material iha MEJD Vila-Verde Tersa (08/06).

Nia haktuir tan eskola lima ne’ebe mak hetan material eskola tekniku Vocasional Hera, EBC Hera, Ensinu Sekundariu Jeral 5 de Maiu Becora, EBC Sergio Belo De Melo no ESJ 4 Setembru Unamet Balide.

Nia dehan, EBC Manleuana hetan ona apoiu atraves husi Australia ninian, entaun ita entrega material ba eskola sira neebe seidauk hetan fasilidade sira nee.

Material sira neebe atu entrega ba eskola sira mak hanesan kanuru suru rai, aisar kesak, aisar masa, mop boracha,hamaran rai, enxada, karosa, balde no sapatu lumpur para bele organiza para limpeza.

Total eskola neebe mak afeta inundasaun iha munisipiu Dili kuaze 26, maibe fahe ba grau aat naton iha eskola Il, maibe kondisaun diak no konsege bee tama hamutuk 8.

Iha fatin hanesan Diretora Jeral Finansas Cesilia de Assis hatete, MJED servisu hamutuk ho parseiru dezenvolvimentu sira liu-liu UNICEF apoiu netik material hanesaun aisar, Kanuru no balde ba eskola sira neebe afeta ba inundasaun hanesan Tek Vok Hera, EBC Hera, ESJ 5 de Maiu Becora, ESJ 4 de Setembru Unamet Balide.

“Ami sei organiza malu ho alunus sira no komunidade sira balun karik ajuda hodi limpeza,”nia hakotu.(Athy)

About dilipost

Check Also

Ema Ho Defisiensia Nain 24 Mil Asesu Ona Edukasaun Inkluzivu

DILI Post – Tuir dadus neebé mak Assosiasaun Defisiensia Timor-Leste (ADTL) simu husi Ministériu Edukasaun …

Leave a Reply

Your email address will not be published. Required fields are marked *