Saturday , January 28 2023

Mikrolete Dirasaun Komoro Paradu, Adalberto Lamenta DNTT Halo Diskriminasaun

DILI Post-Mikrolete Dirasaun Komoro 0,10 no 0,11, halo asaun ‘mogok’ tanba Dirasaun Nasional Transporte Trestre (DNTT) halo diskriminasaun tarifa entre mikrolete iha kapital Dili no Munisipiu.

Portavoz husi Kondutores Mikrolete 010 no 011, Adalberto Jose hateten, asaun mogok ne’ebe mak sira halo tanba lamenta ho desizaun hosi parte DNTT ne’ebe halo diskriminasaun tarefa entre mikrolete iha kapital Dili, no munisipiu sira.

“Ami para tanba elazer hasai karta ida kareta munisipiu hotu nia hasae presu, nusa maka ami halai kareta iha kapital (Dili) ne’e ami husu de’it atu hasa’e 20 cent ba 25 cent sira nunka hasa’e, maibe mina folin sa’e 1. 37 cent, agora estudante sira selu 15 cent de’it ne’e ami atu selu saida ba patraun, ” dehan nia banhira halo hela asaun mogok iha parte Komoro-Dili, Tersa (26/04) ohin.

Tan ne’e, nia husu ba parte DNTT atu fo justifikasaun konaba tarefa ba mikrolete ne’ebe halo operasaun iha kapital Dili.
6
“Ami husu ida ne’e de’it, la buat seluk, tanba Elazer fo surat ne’e hanesan diskriminasaun fali, ” nia hatutan.

Nia dehan, tarefa antes ne’e estudante selu 20 cent, funsiunariu publiku 25 cent.

“Agora ami mogok ne’e, ami hakarak estudante ida selu 20 cent aumenta 5 cent de’it, no funsiunariu publiku 25 cent,” tenik kondoutor ne’e.

Portavoz ne’e husu atu parte DNTT haruka karta tarefa ida ba kondotures sira, nune’e sira bele taka iha odomatan kareta nian, hodi nune’e pasajeirus sira bele hatene.

Nia dehan, wainhira laiha solusaun maka sira kontinuan halo asaun ‘mogok’ to’o hetan ninian solusaun.(pogo)

About dilipost

Check Also

Ular Metan Iha Berlin

DILI  Post-La sente durante ne’e, atividade hotu-hotu iha Ro Berlin Ramelau la’o normal hela. Maibe, …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement