Tuesday , June 28 2022

Militante Kandidata Berta ‘Murni’ Laos Nasi Kotak Hanesan Sira Seluk

LIKISA (DILI Post)- Konseleiru máximu Partidu Kmanek Haburas Unidade Nasionál Timor Oan (KHUNTO) Jose dos Santos “Naimori Bucar” afirma katak Kandidatura Prezidente Republika Armanda Berta do Santos nia apoiantes no Militantes Sira ne’e ‘murni’ no laos militantes nasi kotak hanesan kandidatura sira seluk.

“Likisa ne’e laiha ema ida mak atu manan ho hamnasa, tanba hau koalia ne’e hau hatene saida mak KHUNTO iha fatin ne’e, tan imi nia lista só hau mak bele hatene laos sira mak hatene,” hateten Konsileiru Maximu KHUNTO ne’e liu husi nia interversaun politika ba kampana iha Munisipiu Likisa Sesta ne’e.

Ne’e duni, nia dehan KHUNTO nia forsa to’o iha ne’ebe mos nia hatene no KHUNTO ida agora dadaun hamrik iha ne’e, KHUNTO ida momos ne’e (murni), ne’e laos nasi kotak, ida ne’ebe mak sira dehan barak ne’e dalaruma nasi kotak mak barak.

Ho fiar an nia relata Khunto mai ho fuan tan ne’e iha tempu kampana labele hanorin joven sira atu sai Aat.

“Ita sae iha Palku atu hatudu buat los no hanorin ita nia joven sira atu nune’e joven sira hatene no komprende saida mak Kampana, tan kampana ne’e atu fahe ita nia programa ba povu,”tenik Naimori.

Iha fatin hanesan Kandidatura Prezidente, Armanda Berta Do Santos promete sei halo tuir nia misaun no vizaun no hametin prosperidade ba moris diak povu nian.

“Bainhira hau eleitu ba Prezidente Repúblika ,hau sei halo tuir hau nia misaun no vizaun, hametin paz no progresu ba Povu tomak,se lá iha paz sei lá iha dezenvolvementu, Tanba laiha paz mós sei laiha properidade iha nia moris,”deklara Berta.

MNia mos kompremete sei promove Justiça Sosial no inkluzaun, hodi garante povu hotu-hotu iha assesu ba justisa no la halo deskriminasaun ba sidadaun se deit mak iha Nasaun Timor Leste ne’e hodi bele hetan tratamentu ne’ebe diak ba povu nia Moris.

Aliende ne’e, nia mos sei hametin relasaun ho Igreja no hala’o dialogu ho Grupu Joventude sira hodi kria Pas no Estabilidade Nasionál iha Raí laran.

Nomos sei lá halo deskriminasaun no estigmasaun politika pasadu ba Kualker sidadaun sira.(JAVEL)

About dilipost

Check Also

Tansa ? MNEK Xina Lá Liu Husi Sala VIP Aeroporto Kompara Ho Bainaka Seluk

DILI Post-Konseleiru Estadu Ka Ministru Negosiu Estranjeiru no Koperasaun (MNEK) Repúblika Popular Xina,Wang Yi ho …

Leave a Reply

Your email address will not be published.