Tuesday , September 28 2021

MOP Aprezenta Estudu Polu Dezenvolvimentu Iha Baucau-Batugade Ba PM Taur

Dili Post — Ministru Obras Públikas (MOP), Salvador Pires, ho ekipa téknika husi diresaun jerál abitasaun urbanizmu, aprezenta relatóriu prelimináriu ba Primeiru Ministru (PM), Taur Matan Ruak kona-ba estudu polu dezenvolvimentu iha Batugade ho Munisípiu Baucau.

Ministru Salvador Pires hateten, prosesu estudu ne’e, MOP loke prosesu tenderizasaun dala tolu, hafoin hetan konsultor ne’ebé kualidade hodi halo estudu refere.

“Foin daudauk ami mai aprezenta ne’e foin inísiu relatóriu prelimináriu ne’ebé ita sei konklui iha Novembru 2021, dokumentu ne’e bele guia ita ba tipu de investimentu industria ne’ebé mak ita tenke halo iha polu dezenvolvimentu iha área rua ne’e,” dehan Ministru Salvador bajornalista, Segunda (14/06) iha Palásiu Governu.

Estudu kona-ba polu dezenvolvimentu ne’e, ba futuru sai nu’udar rekomendasaun ba governu hodi halo investimentu, nune’e hakbesik liután dezenvolvimentu ba povu.

“Rejiaun sira seluk ne’e benefisia husi investimentu ne’ebé mak governu halo, alem de polítika desentralizasaun governu mos esforsu hela atu realiza. Ida ne’e hanesan zona eskluzivu dezenvolvimentu ne’ebé ita hakarak halo kuandu estudu nia rezultadu bele hatudu ona road map ida ba investimentu,” tenik Ministru Salvador.

Alem de ne’e, investimentu husi ida ne’e sei fó iha rekomendasaun sira hanesan zona industria no komponente sira ne’ebé tenke investe, no planu investimentu sel-seluk tan husi investimentu refere. (ajo)

About dilipost

Check Also

PR Lu Olo Konkorda Fo Apoiu Finanseiru Ba Sira Ne’ebe Mate Hafoin Simu Vasina

DILI Post – Prezidente Repúblika (PR) Francisco Guerres ‘Lu olo’ konkorda fó apoiu finanseiru karik …

Leave a Reply

Your email address will not be published. Required fields are marked *