Sunday , December 4 2022

MOP Dukur, PN Hafanun

Vice Prezidente Komisaun E, Fabião de Oliveira

DILI  Post—Reprezentante povu iha Uma Fukun Parlamentu Nasionál (PN), liu husi Komisaun E, Assuntu Infraestruturas, ezije Governu liu-liu Ministeriu Obras Públiku (MOP), atu hadi’a lalais estrada diresaun Dili-Kosta Súl. Realidade hatudu iha tirenu kestaun estrada sai problema boot. Maske, Ministru MOP troka ba dala hira  ona, maibe buat foun ruma seidauk mosu. Signifika, reprezentante povu iha PN hakarak hafanun Governu, liu husi MOP atu hader ou labele dukur. Tanba, problema Infraestrutura iha teritoriu tomak la’o hakdasak.

Dezde akontesimentu inundasaun iha loron 4 Abríl 2019 liu ba halo estrada diresaun Dili-Aileu hetan estragus, nune’e Governu husu orsamentu ho montante boot atu hadi’a estrada ne’ebé fo ameasa ba populasaun hala’o movimentu.

PN nu’udar reprezentante povu aprova orsamentu ne’ebé propoin husi Primeiru Ministru (PM) Taur Matan Ruak (TMR), atu hadi’a estrada diresaun Dili ba Kosta Súl. Liu-liu estrada Sarlala Munisípiu Aileu. Realidade to’o oras ne’e, obra refere seidauk remata no besik udan tun no sei fo ameasa ba movimentu populasaun husi parte Kosta Súl.

Bazeia ba asuntu refere vice Prezidente Komisaun E ezije ba MOP, atu lalais hadi’a estrada Sarlala Munisípiu Aileu. “Ami Komisaun E rasik, kuandu hala’o fiskalizasaun ba parte Kosta Súl, liu-liu Munisípiu Covalima, Same, Ainaru no Aileu, ami sempre hato’o ba MOP atu hare estrada ne’ebá,”hato’o husi Vice Prezidente Komisaun E, Fabião de Oliveira ba Jornalita, hafoin remata Plenaria Tersa-feira  (20/09).

Fabião hatutan, assuntu estrada importante tebes ligasaun Munisípiu Dili ho Munisípiu Aileu no mós estrada balun ne’ebé komesa at, presiza hala’o manutensaun.

Enatun, fo hanoin ba MOP, tanba Uluk hare kompana boot ida ho naran Johny Ze mak ka’er obra refere ho pakote rua hanesan pakote A no B. Pakote ida husi parte leten tun mai kuaze to’o iha bee tudak ‘air terjung,’ Fatisi Boklelo ho ninia kontratu primeiru atu hala’o de’it ateru ba Estrada.

Depois kontratu segundu atu tau alkatraun to’o agora sei iha hela konkursu. Atu nune’e, kompana ne’ebé sai manán foin bele kontinua hala’o projeitu. Hanoin ida ne’e, importante tanba tempu udan dalan tahu nakonu. Tempu bain loron rai rahun hodi fo impaktu ba saúde públika.

Nia hanoin ida ne’e, sira hotu ne’ebe lori povu nia naran iha PN ninia preokupasaun, hein katak iha audensia ne’ebé mai ho Orsamentu Jerál do Estadu (OJE), Sei tama iha OJE 2023 ida ne’e urjentimente sei rezolve.

Tanba ne’e, ejiji ba Governu liu husi MOP atu rezolve dalan hirak ne’e, se la’e tinan ida ne’e, udan boot entaun sei fo ameasa boot no dalan sira ne’e balun bele kotu.

Liu husi biban ida ne’e,  nia rekomenda hela ba MOP dalan refere tenke tama iha projeitu emerjensia. Tenke trata ho emerjensia, ida ne’ebé trata ho konkursu públiku bele trata tuir konkursu públiku.

Maske  nune’e, Fabião hare katak, ida ne’e kompetensia Governu, nu’udar vice Prezidente Komisaun E ho membru hotu, sei fo rekomendasaun no ezije nafatin ba Governu atu bele konstrui lalais tanba ligasaun entre Munisípiu Dili ho Aileu, importante  tebes.

Entretantu, Governu liu husi MOP Ministru Abel Pires hateten, iha loron 11 Agostu liu ba estrada refere semana kotuk sira ho Prezidente Kompana Kafé aprova tiha ona no hein tan oituan atu fui ‘aspal’ alkatraun.

Primeiru ba parte leten hahú husi kruzamentu Bee Tudak ‘air terjung’ Fatisi to’o leten estrada boot dalan Munisípiu Aileu. Segundu parte kraik husi Bee tudak ‘air terjun’ to’o Kasnafar. Realidade to’o ohin mós projeitu refere seidauk remata. (Che)

About dilipost

Check Also

Ular Metan Iha Berlin

DILI  Post-La sente durante ne’e, atividade hotu-hotu iha Ro Berlin Ramelau la’o normal hela. Maibe, …

Leave a Reply

Your email address will not be published. Required fields are marked *

Advertisement

Advertisement

Advertisement

Advertisement

Advertisement

Dili Post Channel

Advertisement

Advertisement

Advertisement

Advertisement

Advertisement

Advertisement

Advertisement