Wednesday , June 16 2021

MS Lansa Vasina AstraZeneca Doze daruak Hodi Kombate Covid-19

DILI Post- Governu Timor-Leste liu husi Ministeriu Saude(MS) halao Serimonia lansamentu vasina Astra Zeneka doze daruak iha hodi kombate Transmisaun Covid-19 iha Komunidade nia leet.

Tuir Ministra saude Odete Maria Freitas Bello hateten lansamentu vasina Covax doze segundu hare liu ba iha Grupo prioritariu professional sira ne’ebe iha lina oin.

“Doasaun husi Covax fasility haforsa diak liu tan apoiu sira seluk husi Governu Australia no Xina hodi kontribui no nafatin esforsu ne’ebe Governu halo luta hodi hasoru Covid-19″Dehan Ministra saude Odete Maria Freitas Belo bainhira lansa vasina Segunda doze iha Salaun Centru Convencoes de Dili (CCD) Merkadu,Kinta(10/06)

Nia esplika tan fulan junho 2021 nia laran TL bele kompleta ba vasina 20% liu-liu ba iha populasaun ne’ebe grupo prioritariu sira ne’ebe iha loron dahuluk simu ona vasina.

“Hau agradese tebes ba ekipa teknika husi UNICEF no OMS nebe esforsu hamutuk ho MS hodi asegura vasina husi Covax mai iha Timor Leste hodi kompleta kobertura vasinasaun ba Grupu professional sira lina oin” dehan Governante ne’e

Timor Leste agora dadaun vasina AstraZeneca no Sinovax ne’ebe ita aprova tanba vasina rua nee iha efikasia ne’ebe mak diak no mos adapta diak ba ita nia ambiente no fasil atu armazena.

Nia afirma tan sidadaun sira ne’ebe simu ona vasina primeira doze maske sira hetan Kovid-19 maibe bele simu vasina Segunda doze.

“Sidadaun sira ne’ebe simu vasina daruak liu tiha semana rua mak ita bele lao livre tanba ita presija Deskansa depois hein to’o ita nia sistema imunidade nee estabelese ho diak” tenik nia

Iha fatin hansan Diretora Geral Prestasaun servisu saude Odete da Silva Viegas Informa vasina AstraZeneca nivel Nasional ema 28.412 mak sei vasina.

Tanba ne’e nia husu ba populasaun sira ne’ebe mak seidauk asesu ba vasina atu hakbesik a’an simu hodi proteje imunidade ita nia isin.

“Vasina primeira doze halao nafatin iha sentru saude no Postu vasinasaun sira” hakotu nia

Entretantu iha lansamentu vasina ne’e partisipa husi Membru Governu, Deputadu sira, no Parseiru NGO international sira.(AnY)

About dilipost

Check Also

Sidadaun Tenke Kumpri Medidas Preventiva Covid-19

DILI Post- Vise Koordenador Forsa Tarefa ba Prevensaun no Mitigasaun Surtu Covid-19, Odete da Silva …

Leave a Reply

Your email address will not be published. Required fields are marked *