Sunday , September 26 2021

MTK Tenke Aumenta Loron Operasaun Ba Ro Susesu

DILI Post – Deputadu bankada CNRT sujere ba Ministeriu Transporte Komunikasaun (MTK) tenke aumenta loron operasaun ba ro Susesu.

Relasiona ho planu Govenu nian liu husi MTK  sei haruka ro Nakroman halo Manutensaun iha Indonezia.

Nune’e, iha Parlamentu Nasional, Tersa (9/2) ohin.  Deputadu Domingos Carvalho  husu MTK  atu subsititui ro Susesu halo operasaun ba iha Oe-Cusse,Dili, Atauro.

“Governu presiza fasilita ba ro Susesu, hodi aumenta loron operasaun,” dehan reprezentante povu ne’e, iha plenaria uma fukun Parlamentu Nasional.  

Nia mos relata durate ne’e ro Susesu halo operasaun semana ida dalan rua.

Maibe, nia dehan bainhira ro Nakroman ba halo manuntensaun, presiza duni ro Susesu tenke subsititui iha ninia fatin, la presiza agula fali ro seluk.

“Se la subsititui nia fatin sei fo impaktu ba pasajeirus labele halo viajen ba sira nia rai,” tenik Domingos.  

Sikun seluk komunidade Oe-Cusse iha kapital Dili, Antonio Lelan mos preokupa ho ro Nakroman ne’ebe sei halo manuntensaun iha Indonezia tanba fo impaktu ba pasajeirus.

Ne’e duni, nia husu ba MTK atu fasilita ro Susesu bele aumenta loron operasaun iha semana ida.

“Ro Susesu ne’ebe mak halo operasaun semana ida dala rua, maibe ho manuntensaun ro nakroman tenke aumenta loron operasaun,”Lelan fo hanoin. (Assa/Dt1)

About dilipost

Check Also

PR Lu Olo Konkorda Fo Apoiu Finanseiru Ba Sira Ne’ebe Mate Hafoin Simu Vasina

DILI Post – Prezidente Repúblika (PR) Francisco Guerres ‘Lu olo’ konkorda fó apoiu finanseiru karik …