Wednesday , August 10 2022

Ohin, Membru Governu CNRT Rezigna-an

DILI Post – Ohin, Segunda (25-05) membru CNRT desidi rezigna-an ona husi membru  Oitavu Governu ne’ebe lidera Taur Matan Ruak.

Bazea ba desizaun ne`ebé sira fo sai iha loron 30 fulan Abril tinan ne`e, deklara ofisialmente sai ona husi Oitavu Governu.

Ne`e duni, Prezidente partidu CNRT, Kay Rala Xanana Gusmão fó ona orentasaun ba membru Governu husi CNRT, Segunda, ohin tenke retira husi Oitavu Governu.

“Ohin membru Governu husi CNRT sei hola desizaun sai hotu, hodi la partensia ona iha Oitavu Governu,” dehan Xanana ba jornalista, liu husi konfrensia imprensa, iha sede CNRT Bairo Grilos, Sabadu foin lalais ne’e.

Lider CNRT haktuir durante ne`e membru Governu husi CNRT hein hela de`it, tanba responsabilidade. Maibé, nia afirma agora sira tenke husik ona Oitavu Governu.

Tan ne’e, nia  husu nafatin ba membru Parlamentu Nasional (PN) husi CNRT, atu mantein posizaun hodi halo tuir atividade sira ne`ebé konvoka husi Prezidente PN foun, Aniceto Guterres.

“Hodi hein rezultadu investigasaun ne`ebé mak tenke rezolve tuir lei ne`ebé mak vigor iha Timor-Leste,” subliña Xanana.  

Aliende ne’e, nia dehan Comisaun Politika Nasionál (CPN) lori partidu nia naran sei fo nafatin konfiansa no kompetensia ba deputadu CNRT atu defende nafatin legalidade iha PN.

Lideransa masimu CNRT ne’e mos fo hanoin ba militante no simpatizante, iha teritoriu Timor laran tomak, atu hakmatek iha fatin no kontinua kria estabilade paz iha rai-laran.

Nia mos apela kontinua nafatin hatudu ba mundu katak, CNRT defende nafatin estadu demokratika no kontinua hakruk ba lei Konstituisaun-Republika Demokratiku Timor Leste (K-RDTL).

“Agora dadaun kestaun konstituisaun no kestaun legal ninia, laos fali atu halo manifestasaun ne`e laiha,” afirma Xanana  (assa) o

About dilipost

Check Also

PM Taur Simu Vizita Ofisial Husi MNEK Xina

DILI Post-Primeiru Ministru (PM) Taur Matan Ruak, Sesta feira loraik ne’e iha Palásiu Governu, simu …

Leave a Reply

Your email address will not be published.