Wednesday , June 16 2021

Olinda Konsedera ‘Jaminan’ Ho Oan Selu Kost Hoax

Prezidente bankada Khunto,Olinda Guterres

DILI Post – Bankada Governu liu husi deputada Khunto, Olinda Guterres konsedera sidadaun ne’ebe laiha osan selu kost ‘jaminan’ ho oan ba uma nain hoax.

“Hau la fiar ema ida halo ‘jaminan’ fali ho ninia oan selu kost $ 35,” dehan Prezidente bankada Khunto ne’e, iha Plenaria Parlamentu Nasional,Segunda (17/5).

Tuir nia hare media sira fo sai informasaun ne’e atu hamonu Governu no hahan laiha no selu kost labele halo fali ‘Jaminan’ ho ninia oan ne’e bosok.

Tanba, nia dehan iha tempu malae mutin mai to’o iha Indonezia nia ukun seidauk tane liman ba sira.

“Iha 1975 da’an deit aitahan hodi han ho masin sei diak hela no la tane liman husu hahan ba malae mutin ho Indonezia” nia halo komparasaun.

Fatin hanesan Prezidente Parlamentu Nasional, Aniceto Guterres afirma kona ba penor oan ne’e krimi seriu.

Tanba, aman ou inan ne’ebe penor ninia oan komete hotu krimi no ema ne’ebe simu penor mos komete hotu krimi.

“Hau sei husu ba Governu liu husi Ministeriu Interior (MI) hodi husu ba PNTL atu investiga kazu ne’e los ka lae,” nia relata.

Nia hatutan, karik kazu ne’e lalos tenke prosesa no loos tenke deklara.

Aliende ne’e Deputada bankada CNRT, Fernanda Lay mos preokupa ho familia ne’ebe penor ninia oan atu hodi selu kost.

Ministeriu Solidaridade Sosial Inkluzaun (MSSI) ninia apoiu iha ne’ebe.

Tan ne’e, nia husu asumi kargu MSSI feto rua tenke hare kestasun ne’e maluk feto ida ba penor ninia oan hodi bele selu kost.

“Atu husu deit dadus laiha ka osan mak laiha, ita la komprende,”tenik Fernanda (assa)

About dilipost

Check Also

Komunidade Balun Kontinua Ulun Tos, Halo Uma Iha Mota Ibun

DILI Post- Maske governun bandu ba komunidade sira labele halo uma iha mota ibun no …

2 comments

  1. Ferik bancada khunto halo komparasaun hanesan fali karau falun matan…. Beik hanesan née mos hakarak tuur iha PN hodi kolia kona ba povo nia moris😜, impacto husi istado emergencia(covid-19) nemak povo balun heta acontesementu ba sira nia vida.. Lorloron sai susar.

  2. W nia perguta ida ba sra deputada olinda katak ita boot to fulan simu osan kada fulan ba ita boot maibe bele serka tanitari maibe ita bot salario lao nafatin, maibe ida serbisu nudar aleba ou konsak ho mikrolet la halai nee sira sei simu osan nafatin ga lae? 35& loron ida 1$ ms lai oinsa ho ita bot nia kontente iha ema slk nia tristi nee

Leave a Reply

Your email address will not be published. Required fields are marked *