Tuesday , August 9 2022

PM Orienta MI-SEPS Rejolve Lalais Vitima 4 Abril

DILI Post-Vise Ministru Interior (MI), Armindo Maia no Sekretariu Estadu Protesaun Sivil (SEPS), Joaquim Gusmão simu ona orientasaun husi Primeiru Ministru (PM), Taur Matan Ruak atu rejolve lalais vitima dezastre naturais 4 Abril 2021.

“Hau ho Vise MI simu orientasaun husi PM nian atu bele rejolve lalais sira ne’ebe mak oras ne`e dadaun iha hela fatin balun, hodi bele rejolve no mos sira ne’ebe iha kost. Tanbá, ita servisu hamutuk ho Ministeriu Administrasaun Estatál ne’ebe mak fo prazu ba sira maximu to fulan neen, ita sei halo nafatin mediasaun ho sira atu bele hare,” haktuiir Sekretariu Estadu Protesaun Sivil , Joaquim Gusmão ba jornalista iha rezidensia PM Farol, Segunda (25/4).

Nia hatutan, SEPS nia papel depois akontese dezastre ne`e sira fo material ba iha preprasaun material konstrusaun atu vitima sira bele harii fali sira nia uma maibe ho mos kriteria ne’ebe mak iha ba vitima sira ne’ebe mak hela iha fatin risku dezastre.

“Ita so bele fo karik vitima sira dignifika fatin ne’ebe mak la iha risku dezastre no autorizadu rai ne’e la iha problema mak ita fo kedas material konstrusaun no obsaun seluk ita halo mediasaun lori vitima sira bele fila ba Munisípiu sira” tenik Joaquim.

Ne’e duni, nia afirma ba sira ne’ebe mak seidauk hetan material konstrusaun loos duni katak tanba iha orsamentu 2021 nian prevé deit ba iha uma kain rihun tolu resin ba estragus uma nian.

Akontesimetu ne’ebe mak iha 4 Abril nia estragus to`o uma rihun lima resin signifika katak besik rihun rua resin mak seidauk simu ne’e prosesu lao ona tuir dekretu lei foin nu.7 nian.

“Ita eleva tan apoius ba iha mão de obra ho ai-quadradu nian ba sira ne’ebe selu mos badaen sira ba iha ne’e mil dolares, no mos agora dadaun ita iha autorizasaun husi PM bele loke fali prosesu ida tanba montante ba iha konstrusaun nian ne’e liu $1 milaun tan ne’e mak ita husu atu PM atu fo autorizasaun ba ita atu halo selsesaun ba komapana sira ne’ebe fo ajudasaun direta hodi bele fo apoiu ba Komunidade sira ne’ebe afetadu,” dehan nia.

Fatin hanesan Vise Ministru Interior, Antonio Armindo hatete, iha inkontru ne’e koalia kona vitima dezastre 4 de abril tinan kotuk afetadu maibe to’o agora seidauk fila-fali ba sira nia hela fatin.

“Ohin hetan orientasaun husi PM hanesan mos MI ha’u hanesan Vise Ministru Interior ho Sekretariu Estadu Protesaun Sivil atu hare asuntu ne’e atu bele orienta tekniku sira servisu lalais hodi rejolve buat hirak ne’e”,hakotu nia.(any)

About dilipost

Check Also

Troféu Mundial Vizita Oras 6 Iha TL,Gasta 40 Mil Povu Hare Husi Do’ok

DILI Post- Ho Vizita Espesial husi Troféu Kopa Mundial mai Timor Leste (TL), antes ne’e …

Leave a Reply

Your email address will not be published.