Monday , December 6 2021

PM Partisipa Serimónia Ritual Perfurasaun Mina Matan Iha Covalima

DILI Post-Primeiru Ministru (PM) Taur Matan Ruak partisipa serimonia ritual perfurasaun mina matan iha Munisipiu Covalima.

Seremonia retual ne’ebe realiza,Tersa (26/10) iha momentu masakre Setembru Negro 1999 iha Suai Vila, Munisipiu Covalima.

Hato’o mos agradesimentu ba Heroi Patria sira husi Munísipiu 13 ne’ebé sakrifika an ba rai ida ne’e hodi ikus mai sai Nasaun ida livre no independente.

Enkuantu, iha ámbitu serimónia lansamentu ofisiál perfurasaun ba Mina Matan Feto Kmaus, Suai Vila ne’ebé sei realiza iha Kinta feira, (28/10) aban, husi Xefe governu rasik.

Serimónia ritual ne’e realiza husi Konsellu Kombatentes Libertasaun Nasionál (CCLN), ho prezensa responsavel Veteranus husi Munísipiu 12 inklui Munisipiu Covalima rasik, nu’udar jestu agradesimentu ba Heroi sira no husu sira nia tulun hodi haraik matak malirin husu sira nia tulun hodi haraik matak malirin atu perfurasaun ne’e bele lao ho susesu.

Iha serimónia ritual refere, lia na’in Suai hamutuk ho reprezentante Veteranus Munisipiu 13 lolo liman ba bua malus hodi hakotu lia bolu Heroi sira ne’ebé mate ba Timor durante okupasaun atu mai hamutuk ho lian ida no ibun ida hodi fó matak malirin atu perfurasaun mina matan Feto Kmaus bele la’o susesu.

Iha ritual ne’e marka prezensa husi
vetetanus sira ne’ebé sei ativu iha F-FDTL no refromadu,hanesan Tenente Jenerál Lere Anan Timur, Major Jenerál Falur Rate Laek, Brigadeiru Jeneral Aluk, Brigadeiru-Jenerál Maunana, Brigadeiru-Jenerál Sabika Besikulit, Koronél Calisto Santos Coli “Coliati”, no ofisial Veteranus sira seluk, Prezidente CCLN, Vidal de Jesus’Riak Leman”.

Responsavel CCLN husi Munisipiu 12, Ministru Petróleu no Minerais, Vise-Ministru Estatál, Autoridade importante sira seluk no Autoridade Munisipiu Covalima.

Antes ba lansamentu perfurasaun mina, Xefe Governu ho dignitariu sira seluk iha dadeer sei partisipa uluk missa agradesimentu iha greja Ave Maria Suai.

Hafoin misa sai, Xefe Governu ho dignitariu sira sei kontinua ba Monumentu Masakre Setembru Negro 1999 hodi presta omenajen no sei hakat ba serimónia lansamentu ofisial ba Mina Matan Feto Kmaus iha Suai Vila.(nicky)

About dilipost

Check Also

Uma Lisan Likleu Haut-Mauleru Hamriik Metin Fo Matak Malirin

AILEU,DILI Post- Uma lisan Likleu Haut-Mauleru kultura Timor- Leste ne’ebe lokaliza iha Munisipiu Aileu postu …

Leave a Reply

Your email address will not be published. Required fields are marked *