Thursday , May 19 2022

PM Saudozu Max Sthal Papel Importante Iha Luta Timor


DILI Post – Primeiru Ministru (PM) Taur Matan Ruak konsidera Saudozu Max Stahll importante tebes tanba dezempeña nia papel importante ida ba Timor-Leste nia luta ba ukun rasik rasik A’an.

Xefi Governu akompañadu husi espoza, Isabel da Costa Ferreira no oan-mane, Quesha ho oan-feto Tamarisa, hamutuk ho Xefe Gabinete no staff Gabinete PM nian, iha Kuarta kalan presta omenajen ba Saudozu Max Stahl nia Ahukdesan iha Sentru Audiovisual Max Stahl nian, Kolmera-Benfika.

“Nasaun tomak, povu tomak, Estadu Timor fó omenajen ida ne’e tanba nia papél ne’ebé nia dezempeña durante ita-nia luta, espesialmente ba iha kazu 12 de Novembru joven sira nia luta, ba Jornalista sira iha sentru Audiovizual max thal, Kolmera-Dili, Kuarta ne’e.


Eis Xefi Estadu-Maiór FALINTIL ne’e afirma, papel Saudozu Max no media sira importante iha luta ba libertasaun nasionál, hodi fanun mundu tomak no sensibiliza mundu kona-ba sofrimentu timoroan sira nian,espesiál iha Masakre Santa Cru12 Novembru 1991.

“Se média la iha, ema ignora ita, ema la koñese ita, ema la hatene ita i papél média nian no papél Max Stahl nian fundamental loos fanun ema hotu, fanun mundu tomak, sensibiliza sira hotu katak buat ne’ebé sira hatene la hanesan lao iha rai laran.
Saudozu Max mak halo filmagem kona-ba brutalidade Forsa Indonézia nian iha akontesimentu masakre Santa Cruz, 12 Novembru 1991.

Ba nia dedikasaun refere, Estadu Timor-Leste konsidera Max Stahl hanesan erói nasionál ida, hodi atribui Grau Colar Ordem de Timor-Leste ho titulo póstumo, nu’udar jestu agradesimentu Estadu ba Saudozu nia kontribuisaun iha luta ba libertasaun nasionál.

Saudozu Max Stahl nu’udar ema Britániku, moris iha loron 06 fulan-dezembru tinan 1954, no husik mundu iha loron 28 fulan Outubru tinan 2021 iha Ospitál Brisbane, Austrália, tanba sofre moras. (nicky)

About dilipost

Check Also

Virgilio Reativa Dispensaun Prezidente KI

DILI Post–Prezidente Konsellu Imprensa (KI), Virgilio Guteres halo reativasaun ba dispesaun durante fulan tolu nia …

Leave a Reply

Your email address will not be published.