Dili Post Habelar no Haburas Demokrasia
Related Articles
DILI Post- Primeiru- Ministru (PM) Taur Matan Ruak, Kuarta (15/06) ohin, aranka ba Singapura hodi hala’o tratamentu saúde iha Mount Elizabeth Novena Hospital, tuir rekomendasaun hosi médiku Ospitál Nasionál Guido Valadares (HNGV) nian.
Durante pandemia Covid-19, Xefe Governu hala’o de’it ‘check-up’ iha HNGV Dili, tan ne’e médiku HNGV rekomenda Xefi Governu presiza ba tratamentu saúde iha Ospitál mais avansadu atu médiku espesialista sira bele kontrola di’ak Xefi Governu nia kondisaun saúde.
Enkuantu halo hela tratamentu saúde iha li’ur, Vise Primeira-Ministra, Armanda Berta dos Santos mak sei asumi pasta interinamente.
Entretantu Xefe Governu aranka ba rai liur ho aviaun Batik Indonesia maizumenus otl 11:08 no sei fila-fali mai rai laran iha loron 29 fulan-juñu tinan 2022.(AnY).
