Friday , July 30 2021

PM Taur Deside Fila Hikas Husi Atauro Mai Dili ho Ro’o Kay Rala

DILI Post- Hafoin mosu faillansu ho Ro tranship II Primeiru Ministru, Taur Matan Ruak akompana hosi ninia espoza Isabel Fereira fila ba Dili ho Ro Kayrala.

Tuir observasaun Dili Post, mais ou menus tuku 7:50 Otl Primeiru Ministru akompana hosi Dona Isabel Ferreira akompana ho kometiva balun fila ho ro Kayrala, tanba antes ne’e mosu faillansu ho ro Tranship II ne’ebe labele atraka iha portu Atauro.

Antes atu ba sa’e ro Kayrala ne’ebe atraka dook hosi portu Atauro, Primeiru Ministru ho espoza sa’e ro ne’ebe prepara hosi Unidade Polisia Maritima (UPM) hodi bele ba sa’e ro Kayrala.

Enkuantu vizita Primeiru Ministru, Taur Matan Ruak ho nian kometiva iha postu Administrativu Atauro atu inagura postu siguransa UPM iha Akrema ne’ebe konstrui hosi parseiru Timor Leste Police Development Program (TLPD).

Aliende halo inagurasaun ba postu UPM, Primeiru Ministru mos halo dialogu ho komunidade Atauro iha Beloi hodi rona preokupasaun populasaun nian ne’ebe durante ne’e sira hasoru.(mark)

About dilipost

Check Also

Jose Agustinho Sei Simu Pose Iha 16 Agostu

DILI Post – Iha loron 16 Agostu tinan ne’e, Prezidente Komisaun Nasional Elisaun (CNE) Jose …

Leave a Reply

Your email address will not be published. Required fields are marked *