Sunday , October 2 2022

PM Taur: Ezonera Lugu, Tanba Mudansa Polítika

DILI Post — Primeiru Ministru (PM) Taur Matan Ruak klarifika desizaun Governu ezonera José Luís Guterres ‘Lugu’ husi  Prezidente Autoridade Rejiaun Administrativa Espesiál Oe-cusse Ambenu (RAEOA) tanba iha mudansa konjuntura polítika.

Xefi Governu ne’e haktuir nomeasaun José Luís Guterres ba Prezidente Autoridade RAEOA iha koligasaun Aliansa Mudansa bá Progressu (AMP) kompostu husi CNRT, PLP no KHUNTO.

“Ne’e mai husi konjuntura polítika, ohin situasaun foun ita tenke adota aan ba situasaun polítika iha ita-nia paíz ne’e,” hateten Taur  ba jornalista,  Sesta (12/06) ohin iha palásiu Governu.

Xefi Oitavu Governu ne’e hatatutan, situasaun polítika Timor-Leste nian, presiza buka konsiensus ho entendimentu ida, atu bele rezolve problema sira hotu no la-iha provokasaun ruma.

Aliende ne’e, nia hanesan PM fó saudasaun espesiál no agradesimentu boot ba Prezidente Autoridade RAEOA Sesante, José Luís Guterres, ne’ebé durante mandatu asume knár iha momentu ida ho covid-19 ne’ebé mosu iha ita-nia rain afeta ba populasaun sira.

“Ita nia Prezidente RAEOA sesante halo esforsu tomak forma nia ekipa para bele tuir kapasidade hodi fó ninia kontribuisaun, enfelizmente nia mandatu termina,” apresia PM Taur.

Entretantu, iha reuniaun Konsellu Ministru Kuarta foin lalais ne’e, PM Taur Matan Ruak aprezenta projetu rezolusaun rua, no projetu rezolusaun ida mak ezonera José Luís Guterres husi kargu prezidente autoridade RAEOA.

Nune’e mós, projetu rezolusaun seluk nomeia fali eis Sekretáriu Rejionál, Arsénio Paixão Bano bá Prezidente Autoridade RAEOA foun hodi lidera RAEOA to’o mandatu tinan lima.(ajo)

About dilipost

Check Also

PM Taur Simu Vizita Ofisial Husi MNEK Xina

DILI Post-Primeiru Ministru (PM) Taur Matan Ruak, Sesta feira loraik ne’e iha Palásiu Governu, simu …

Leave a Reply

Your email address will not be published.

Advertisement

Advertisement

Advertisement

Advertisement

Advertisement

Advertisement