Tuesday , September 28 2021

PM Taur Manifesta Solidariedade Ba Komunidade Ne’ebe Afetadu Husi Insendiu

DILI Post-Primeiru Ministru (PM) Taur Matan Ruak manifesta solidariedade ba komunidade hela iha eis Merkadu Komoro ne’ebé afetadu husi inséndiu, Kinta feira (29/07) madrugada.

Ho akontesementu ne’e xefi Governu
espresa nia laran triste bainhira rona notísia kona-ba inséndiu ne’ebe akontese iha eis Merkadu Komoro, afeita uma komunidade sira nia besik atus ha’at resin mak ahi han mutuk hotu.

Ho situasaun ne’e, PM Taur fó korajem ba família afetadu sira, no orienta ona ba Ministériu relevante sira hanesan Ministériu Solidariedade Sosiál, Ministériu Administrasaun Estatal no Sekretaria Estadu Protesaun Sivíl atu halo intervensaun imediata ba apoiu família afetadu sira.

“Dadeer ne’e, ha’u rona rekadu kona-ba inséndiu iha eis Merkadu Komoro
ne’ebé kuaze atinji uma komunidade sira nian besik 400 resin mak ahi han hotu, ha’u nia laran triste no lamenta tebes rona notísia ida ne’e,” relata PM Taur, iha komunidade ne’ebe Dili Post asesu husi media gabinete PM, ohin.

Aproveita biban ne’e ulun boot oitavu governu hato’o solidariedade ba família sira ne’ebé afetadu no husu atu korajem iha situasaun ida ne’e.

“Ha’u orienta ona Ministériu sira relevante atu tun imediata ba terenu hodi halo identifikasaun no intervensaun apoiu emerjénsia ruma ba ita-nia família sira ne’ebé afetadu,” tenik PM Taur. (Niki)

About dilipost

Check Also

PR Lu Olo Konkorda Fo Apoiu Finanseiru Ba Sira Ne’ebe Mate Hafoin Simu Vasina

DILI Post – Prezidente Repúblika (PR) Francisco Guerres ‘Lu olo’ konkorda fó apoiu finanseiru karik …

Leave a Reply

Your email address will not be published. Required fields are marked *