Saturday , October 1 2022

PM Taur Simu Vizita Ofisial Husi MNEK Xina

DILI Post-Primeiru Ministru (PM) Taur Matan Ruak, Sesta feira loraik ne’e iha Palásiu Governu, simu vizita ofisiál husi Konselleiru Estadu no Ministru Negósius Estranjeirus Repúblika Popular Xina, Wang Yi, hodi hametin liután relasaun bilateral País rua nian iha últimu tinan 20 ne’e.

Iha enkontru ne’ebé nakonu ho amizade Xefe Governu Timor-Leste, liu hosi Ministru Negosius Estranjeirus, Wang Yi, agradese tebes ba Governu Xinéza nian ba apoiu hotu-hotu durante tinan 20 ikus ne’e.

No agradese espesiál mós ba apoiu medikamentu no ekipamentu protesaun nian iha mitigasaun no prevensaun COVID-19 nian durante períodu pandemia.

Parte rua konkorda katak sei hametin liután lasu amizade ne’ebé la’o ona durante ne’e hodi respeita nafatin prinsípiu sira Estadu ida-idak nian.

Iha okaziaun enkontru ne’e, Xefe Governu Timor-Leste no MNEK Wang Yi loke simbolikamente plaka komemorativu tinan 20 estabelesimentu relasaun diplomátika entre Timor-Leste no Xina.

Durante Estadia oras 24 iha Dili, Ministru Negosius Estranjeirus, Wang Yi sei hala’o enkontru bilateral ho nia ómologa Timorense, Adaljiza Magno hodi fó sasin ba asinatura akordu entre Governu Repúblika Demokrátika Timor-Leste no Governu Repúblika Populár Xina iha área sira hanesan; Kooperasaun Ekonómika no Téknika, Área Saúde, Administrasaun Rádiu no Televizaun Nasionál (RTTL) no akordu kontinuasaun prosesu dijitalizasaun RTTL no projeitu televizaun dijitál terrestre.

Enkuantu akompaña Ministru Negosius Estranjeirus, Wang Yi, mak hanesan, Embaixador Xina iha Dili, Xiao Jiangou, Vise-Ministru Negósius Estranjeirus, Xie Feng, Ministru Adjuntu, Ministériu Komérsiu, Guo Tingting, Vise-Diretor Ajénsia Kooperasaun Internasionál ba Dezenvolvimentu Xina, Zhao Fengtao, Sekretáriu Konselleiru Estadu no Ministru Negósius Estranjeirus nian, He Wei, Vise-Diretor Jerál Departamentu ba Asuntu Norte Amerikanu no Oseánia-MNE, Yao Wen, no Vise-Diretor Jerál Departamentu Informasaun MNE, Jiang Xiaoyan.

Entretantu akompaña Xefe Governu Timorense iha enkontru ne’e mak hanesan, Ministra Negósius Estranjeirus no Kooperasaun, Adaljiza Magno, Ministru Prezidénsia Konsellu Ministrus, Fidélis Magalhães, Embaixadór Timor-Leste ba Xina, Abrão dos Santos, Diretor Jeral Asuntu Bilaterais, Domingos Savio, Xefe Gabinete Primeiru-Ministru, Azevedo Lourenço da Costa Marçal.(AnY)

About dilipost

Check Also

Tansa ? MNEK Xina Lá Liu Husi Sala VIP Aeroporto Kompara Ho Bainaka Seluk

DILI Post-Konseleiru Estadu Ka Ministru Negosiu Estranjeiru no Koperasaun (MNEK) Repúblika Popular Xina,Wang Yi ho …

Leave a Reply

Your email address will not be published.

Advertisement

Advertisement

Advertisement

Advertisement

Advertisement

Advertisement