Friday , July 30 2021

PN Sei Uza Kanal RTTL,E.P Transmite Programa

DILI Post- Parlamentu Nasional (PN) sei uza kanal RTTL,E.P hodi transmite programa liu husi Radio PN nian ba Munisipiu.

Ho nune’e, Kuarta (16/06) ohin, Sekretariu Jeral PN, Adelino Afonso de Jesus ho Prezidente RTTL,E.P asina ona MoU.

Iha asina akordu ne’e Sekertariu Jeral PN, Adelino Afonso hateten MoU entre PN ho RTTL,E.P atu hadia diak liutan kondisaun transmisaun no alkansa radio frekuensia PN ninia.

Ne’e duni, nia esplika finalidade husi MoU ne’e, RTTL utiliza fasilidade ho aluga lao tuir buat sira ne’ebe RTTL nia ain fatin, atu alkansa frekunsia radio PN ninia bele lao luan liutan minimu pursentu 70.

“Kooperasaun entre PN ho RTTL durante tinan rua no koperasaun tekniku kontinua lao nafatin” informa Adelino Afonso ba jornalista, iha PN.

Nia hatutan, PN sei uza kanal RTTL ninia hodi transmite programa PN ninia liu husi frekuensia radio PN ninia.

Fatin hanesan Prezidente RTTL,E.P, Jose Antonio Belo rasik apresia tebes ho kooperasaun mai husi PN hodi fo fiar ba iha RTTL,E.P.

Tanba RTTL nudar instituisaun estadu ida, hodi asumi responsbelidade hodi ajuda programa PN nian ba to’o iha baze.

“Hodi aluga frekuensia RTTL nia bele ajuda radio PN nian ba to’o Munisipiu,”Belo informa.

Tuir kontratu ne’ebe halo ho PN durante tinan rua no tekniku sira sei ajuda instalasaun ba iha munisipiu sira.(assa)

About dilipost

Check Also

Jose Agustinho Sei Simu Pose Iha 16 Agostu

DILI Post – Iha loron 16 Agostu tinan ne’e, Prezidente Komisaun Nasional Elisaun (CNE) Jose …

Leave a Reply

Your email address will not be published. Required fields are marked *